Ikalawang panalo target ng University of Assumption

Tatangkain ng University of Assumption na makamit ang kanilang ikalawang panalo ng season laban sa Whiz Super Oil mamayang alas-10:45 ng umaga sa pagpapatuloy ng 1st Crystal Spring-PYBL Title Cup sa Makati Coliseum.

Puspusan naman ang paghahanda ng Whiz para makabangon mula sa pagkakalampaso sa kanila ng defending Champion Boysen-MLQU noong nakaraang linggo.

Magpapakitang gilas muli ang mga pambato ng University of Assumption na sina Roel Galura at Vincent John Santos laban sa star players ng Whiz na sina Carlo Cruz at Jose Villaflor.

Magsasagupa rin ngayon ang Regent Cheese Ball at Spring Cooking Oil sa unang laro, alas-9:00 ng umaga samantala, susunod naman ang labanan ng National University at University of the Philippines ganap na alas-12:30 ng tanghali. (Ulat ni Carol Fonceca)