Registration sa special summer class ng Milo Checkmate simula na

Nagsisimula nang tumanggap ng patalaan para sa susunod na special summer chess classes ng Milo Checkmate clinic na nakatakda sa Abril 16-25 sa anim na iba’t ibang lugar sa Metro Manila at probinsiya.

Ang mga lugar ay ang : Badminton Bldg., Rizal Memorial Sports Complex (RMSC), Vito Cruz, Manila; 2/F Center Mall, Greenhills Shopping Center (GSC); St. Jude Academy, Malinta, Valenzuela City; St. Mary Montessori (katapat ng IS), Meycauayan; Angels In Heaven School, Cabuyao, Laguna at Nestle Phils. Alabang Plant, Muntinlupa City.

Ang mga skedyul ng klase ay alas-8:00 ng umaga hanggang alas-12:00 ng tanghali sa RMSC; alas-2:00 hanggang alas-6:00 ng gabi sa GSC; alas-7:30 hanggang alas-11:30 ng umaga sa Cabuyao; at ala-una hanggang alas-5:00 ng hapon sa Alabang.

Ang clinic sa Valenzuela City at Meycauayan ay magsisimula sa Abril 18-29 mula alas-8:00 ng umaga hanggang alas-12:00 ng tanghali at ala-una hanggang alas-5:00 ng hapon ayon sa pagkakasunod.