Sports broadcasting seminar nakatakdang simulan

Magandang balita para sa mga nagnanais na pasukin ang daigdig ng broadcasting, partikular na ang sports broadcasting. Magsasagawa ng tatlong araw na broadcast seminar ang Hangtime management and consultancy sa Development Academy of the Philippines mula Mayo 9 hanggang 11.

Ang seminar, na bukas para sa mga college graduates at undergraduates kahit na ano pa ang kurso nila, ay katatampukan ng mga kilalang broadcasters na tulad nina Joaquin Henson, Ed Picson, Andy Jao, Chino Trinidad, Anthony Suntay, Benjie Santiago, Noel Zarate at Chiqui Roa.

Ang mga interesadong dumalo sa seminar ay puwedeng magparehistro sa Nike Stadium Building A sa SM Megamall sa Mandaluyong o tumawag sa 6433154, 7471335 o 9268222.

Kabilang sa mga study modules na nakapaloob sa seminar ay ang Radio, Television and Cable Broadcasting; Voice and Breathing exercises; Professional habits; Employment in Broadcasting; News Broadcasting; News Writing; Broadcast Terms and Signals at Sports Broadcasting.