Magbabalik sa aksiyon sina Joel Co at Braulio Lim sa Sandy Javier-owned team, habang sina Erwin Velez at Jun Canoneo naman ang siyang magbibigay ng kinakailangang court leadership.
Ngunit nakasentro ang pokus sa dalawang top rookie picks na sina Gerard Jones at Leo Avenido maging ng promising na si Leo Llanete ng Philippine College of Criminology.
Ang iba pang kukumpleto sa line-up ay sina Jun Jabar, Nurjamjam Alfad at Jay Lapid.
"Total shake-up ang ginawa namin this season," wika ni team manager Atty. Jimmy Javier."This is a much better line-up and hopefully we could make it at least into the semifinals."
"It’s a combination of youth and experience. This team has the guts, the drive and the determination to win. Kahit yung mga rookies, talagang palaban. Siguro, what makes this team consistently shown during the practices,"dagdag pa niya.
Nagsagawa na rin ang Pharma Quick ng ilang tune-up games sa MBA champion San Juan Knights. At ang tanging problema lamang ng Pharmacists ay ang pagkawala nila ng lehitimong sentro.
"Problema talaga yung walang legitimate center, tapos, kulang pa kami ng magaling na pointguard," pahayag naman ni coach Bernie Fabiosa.
"Pero satisfied pa rin ako dahil versatile ang team, puwedeng mag-adjust. I believe Canoneo and Joel Co could take charge of the backcourt along with Llanete who was the most impressive so far among the rookies. And probably, Velez and Braulio Lim would be enough to handle the frontcourt," dagdag pa ng guro ng Pharma Quick.
"Medyo kulang pa sa jelling. Pero masaya ako sa line-up na ito dahil ginagampanan nila ang instructions ko at dumidiskarte. Talagang naka-focus ang efforts nila towards winning," pagtatapos ni Fabiosa.