Milo Jr. Tennis nakatakda sa Zamboanga City

Pupukaw ng pansin ang mga age groupers ng South Mindanao kung saan magiging punong abala ang Zamboanga City Lawn Tennis Association (ZCLYA) sa 2001 Milo Junior Tennis Cup and Regional Workshop sa Zamboanga City sa Marso 23-25.

"We have already confirmed participants from Davao, Cotabato City, Basilan and as far as Bongao in Tawi-Tawi. Our club is ready to welcome the participants and organizers of the Milo tennis tournament," wika nina club president Orlando Go at project director James Ramirez.

Tampok ang mga events sa boys’ and girls’ 18-under, 16-under, 14-under, 12-under at unisex 10-under divisions. itinakda ang huling araw para magpatala sa alas-8 ng umaga sa Biyernes (Mar. 23) at agad na isusunod ang draw sa ZCLTA clubhouse.

Ang naturang Philta sanctioned Milo netfest na ito ay inorganisa ng Children’s Tennis Workshop at suportado ng official outfitter Adidas.