Nepomuceno, muling susubukan ang pulso

Isang malaking pagsubok ang haharapin ng four-time World Cup champion Paeng Nepomuceno simula ng gumaling na ang kanyang injury sa pulso dalawang taon na ang nakakaraan sa kanyang nakatakdang paglahok sa prestihiyosong World Tenpin Masters tournament sa March 8-11 sa London.

Nakatakldang lumipad patungong London nga-yon ang 44-anyos na kaliweteng si Nepomuceno.

Ito ang kauna-unahang international stint ni Nepomuceno mula nang siya ay maoperahan matapos na manalo ng World Tenpin Masters title noong 1999. Kamakailan napagwagian ni Paeng ang lahat ng tatlong local event gamit ang 14-pound ball.

Labing-anim na mahuhusay na bowlers mula sa daigdig na kinabibilangan ni Nepomuceno ang sasabak sa London event na inorganisa ng Matchroom.

Ang iba pang lalahok ay sina Sweden’s Tomas Leandersson, ang kasalukuyang World Cup champion; Norway’s Tore Torgerssen, dating World Cup titlist at World FIQ all-event gold medalist; UAE’s dating world kingpin Mohammed Al Qubaisi, Amerikanong si Tim Mack, ang defending World Tenpin Masters titlist; England’s Steve Thorton, South Africa’s Guy Caminski, Wales Mel Isaac, Netherlands’ Nico Thiendpondt, Poland’s Marek Carinzki, Belgium’s at Chris Van Damme ang Australian at Canadian champions.

Ang torneo, na nakatakda sa isang specially-built-two-lane venue sa loob ng stadium ang ipalalabas ng Matchroom, ang outfit na nag-oorganisa ng world billiards tournament na nagtam-pok sa Filipino na si Efren "Bata" Reyes noong 1999.

Sina Nepomuceno at Reyes ang nanalo ng Tenpin Masters at billiards tourney ng nasabi ring taon at ang dalawa ay kapwa ginawaran ng Legion of Honor ng Philippine government. Nahi-rang din si Paeng ng "Bowler of the Century" ng FIQ.

"I feel good. I hope to do well despite my two-year absence from the international (bowling) scene," sabi ni Nepomuceno.