CBL President's Cup gugulong bukas

Bukod sa paglahok ng Osaka Iridology, nakapokus ang mahigpit na rivalry sa pagitan ng M. Lhuillier Jewelers at Chariot Econo Cabs sa pagbubukas ng Cebu Basketball League President’s Cup sa Lunes sa Marso 5.

Itinulad ni CBL president Jonathan Guardo na ang rivalry ng Lhuillier at Chariot ay magiging gaya ng kumpetensiya ng Shark at Welcoat sa PBL, at umaasa siya na ang dalawang koponan ang siyang hahatak ng mga manonood.

Ang dalawang koponan ay gigiyahan ng dalawang pinakamahusay na mentor sa Cebusina Raul "Yayoy" Alcoseba ng Cebu at Titing Manalili para naman sa Chariot kung saan ang rivalry ng dala-wang guro ay nagsimula noon pang naglalaro sila.

At bilang rookie team, tinalo ng Chariot ang Jewelers para sa korona ng prestihiyong Cebu City Mayor’s Cup noong nakaraang taon, pero bumawi naman ang Jewelers nang kanilang igupo ang kalaban sa CBL Christmas League 2000 noong nakaraang Disyembre.