National Games ng Special Olympics sisimulan sa Baguio City

Idaraos ng Special Olympics Philippines ang kanilang 2001 National Games sa Marso 6-8 sa Baguio City kung saan aabot sa 500 atleta, opisyal at volunteers mula sa buong bansa ang lalahok.

Panauhing pandangal si Philippine Sports Commission chairman Carlos "Butch" Tuason sa opening ceremony sa People’s Park. Dadalo rin ang dating movie actress na si Susan Roces sa awarding ceremony sa Mar. 8.

Ang Special Olympics Philippines ang local arm ng Special Olympics International, ang volunteer organization na itinatag ni Ethel Kennedy Shriver upang magbigay ng kompetisyon sa athletics sa mga may kapansanan.