Shark Energy team sa PSA Forum

Pangungunahan ng kampeon na Shark Energy Drink basketball team ang listahan ng mga panauhin bukas sa gaganaping PSA Forum sa Holiday Inn.

Dadalo sa alas-10:30 ng umagang public service program na hatid ng Red Bull, Agfa Colors at McDonald’s sina coach Leo Austria, team owner Raul Panlilio, team manager Jessie Chua at ang mga manlalaro ng koponan upang talakayin ang kanilang naging kampanya sa pag-bulsa ng kanilang kauna-unahang korona sa PBL Challenge Cup.

Tinalo ng Power Boosters ang Welcoat Paints, 4-3.

Ang iba pang panauhin sa lingguhang forum ay ang mga opisyales mula sa Philippine Sports Association para sa local karting organization.