"Underdogs ang SMB" - Uichico

Marami ngayon ang tumitingala kay coach Jong Uichico dahil sa kanyang tinatamasang tagumpay sa PBA.

Sa huling anim na kumperensiya nito bilang coach ng San Miguel, tatlong beses nang nakarating sa kampeonato ang Beermen at sa tatlong pagkakataong ito ay naiuwi ng SMBeer ang titulo.

Gayunpaman, ay hindi ito nagkukumpiyansa.

"I think we are the underdogs," ani Uichico. "Purefoods beat us in the eliminations after all."

Marahil, dapat lamang na kabahan si Uichico sa TJ Hotdogs dahil kakaibang laro ang ipinamamalas ngayon nina Andy Seigle, Edward Joseph Feihl at four-time MVP Alvin Patrimonio dagdag pa ang kakayahan ni import Derrick Brown.

"EJ and Alvin are playing really well. If they keep up their games, I think we will have a problem defending them," ani Uichico.

"It’s going to be tough, pero sabi ko nga, di baleng mahirap, basta lumalaban kami sa championships, Di Baleng umabot ng Christmas ang series, basta kasama kami sa naglalaro."