Millennium Chessfest magsisimula ngayon

Isusulong na ngayon ang pinakaabangang Millennium Intra -Government Chess Team Championship na ngayong alas-5 ng hapon sa Social Hall, Bureau of Custom, Port Area, Manila kung saan aabot sa 27 koponan sa pamumuno ng Philippine Sports Commission (PSC) ang maglalaban-laban para sa mataas na karangalan.

Inimbitahan si Manila 2nd district representative Nestor Ponce Jr., na maging panauhing pandangal sa nasabing kompetisyon na may nakatayang P160,000 na ang magkakampeon ay tatanggap ng P50,000 at tropeo.

Ang iba pang panauhing pandangal na inaasahang dadalo sa opening ceremonies ng torneo ay sina Bureau of Customs Commissioner Renato Ampil at Custom Collector Reynaldo Nicolas.