Dumayas naka-gold sa Int'l Open Junior Karatedo

Naibulsa ni Daryl Ray F. Dumayas ng Association for the Advancement of Karatedo (AAK) ang ginto sa nakaraang International Open Junior Karatedo Championships na ginanap sa Matsumoto City, Nagano Prefecture, Japan noong Nov. 5. Si Dumayas ay nagwagi sa under 11 years old category nang mamayani sa kanyang anim na laban kung saan ang naturang tournament ay dinomina ng Japan.

Isang babaeng manlalaro mula sa New Zealand ang nanalo ng ginto sa tournament na ito na nilahukan ng 13 bansa at may 500 Japanese at 300 foreign entries mula sa Australia, Canada, England, New Zealand, Kazakhstan, Thailand, Russia, Cambodia, India, Bangladesh, Brunei at Philippines.

Samantala, inihayag ng AAK na napili ang Philippines na maging punong abala sa 2001 International Open Junior Karatedo Championships, habang ang Canada naman ang magho-host sa taong 2002.