Sinabi ni PBL Chief Operating officer Perry Martinez na nakumbinsi ang Boy de Vera-mentored Heavy Bombers na lumahok sa nasabing liga matapos ang kanilang pag-uusap ng National Collegiate Athletic Association (NCAA) board.
Sa kabila nito, nagdesisyon ang Jose Rizal maging ang Mapua Institute of Technology na lumaro na dala ang pangalan ng kani-kanilang paaralan na wala ni anumang corporate sponsor at sila mismo ang sasagot ng gastusin sa kani-kanilang entry fees sa initial na pagdaraos ng nasabing event.
Ang dalawang iba pang NCAA teams na nagkumpirma ng kanilang partisipasyon ay ang NCAA champion College of St. Benilde na dadalhin ang kulay ng Mercury Freight at ang San Sebas-tian na susuportahan naman ng Dazz Dish-washing Paste.
Ang iba pang walong koponan ay ang FEU-Mr. Wash, Spring Cooking Oil, Boysen-MLQU, Guagua National Colleges, Assumption College of Pampanga, Gringo Express-Barkadahan, Maynila at Crystal Spring Las Piñas College.
Sa kabila nito, hindi pa kumpirmado kung ang ace pointguard na si Ernani Epondulan ay makakasama sa line-up ng Heavy Bombers. Mayroong mga reports na may nagaganap na negosasyon na para maglaro si Epondulan sa PBL regular team.
Ang 12 koponan ay igugrupo sa dalawang division na ang bawat teams ay lalaro ng single-round robin sa kani-kanilang grupo.
Ang top three teams sa bawat grupo ang siyang makakapasok sa quarterfinal round of six, habang ang lower-ranked teams sa bawat grupo ay lalaro naman ng series ng games bilang konso-lasyon round.