Bikathon para sa anti-drug campaign sisimulan na

Pinangunahan ng mga SBMA Cycling Classics winners na sina Noli del Rosario, Joseph Millanes at Tomas "Jun" Martinez ang maagang lahok para sa "Hon. Carmelo F. Lazatin Bikathon, isang karera para sa anti-drug campaign na nakatakda sa October 29 sa alas-9:00 ng umaga sa Bayanihan Park, Angeles City.

Ang naturang isang araw na karera ay inorganisa ng Pampanga Cycling Promotions sa pakikipag-kooperasyon ng Professional Cycling Association of the Philippines (PCAP) ay isang European patterned event na tatahak sa mga bayan ng Mabalacat, Magalang, Mexico, Sta. Ana, Arayat sa Pampanga Concepcion, Capas, Brgy. Dapdap sa Bamban, Tarlac at sa iba pang bayan sa Clark Special Economic Zone.

Inaanyayahan lahat ni PCP pres. Fer Caparas ang lahat ng cycling affi-cionados na lumahok sa nasabing event na nagkakahalaga ng P50,000 cash prizes at tropeo sa dalawang kategorya.

Maaari ng magpatala ng lahok kay PCAP director Jerry Aquino sa 5371 Curie St., Palanan, Makati City, Wel’s Bicycle store, Balibago Angeles City, Cycler Racing Center, Sto. Rosario St., Angeles City Krypstic Bike Center, Mc Arthur Highway, Angeles City o kaya sa Poching, Tanedo St., Tarlac City.