^

Police Metro

Testigo, ‘nag-ambag’ sa P200K credit card bill ni Carpio

Malou Escudero - Pang-masa

MANILA, Philippines — Isang testigo ng depensa ang naghayag nitong Huwebes na nag-ambag siya sa binayaran ni Atty. Manases Carpio, asawa ni Vice President Sara Duterte, para sa P200,000 bill sa credit card nito para sa kanilang pagkain sa Ginza, Tokyo, Japan.

Humarap sa impeachment court at nagbigay ng testimonya si Atty. Anel An­­tero, na sinasabing ma­lapit­­ na kaibigan ng Bise Presidente at ng kanyang asawa.

Ayon kay Antero, ka­sama niya si Carpio at siyam pa nilang kaibigan nang kumain sila sa Ginza. Ginamit umano ni Carpio ang kanyang credit card upang bayaran ang bill.

Sinabi ni Antero na kalaunan ay binayaran niya si Carpio ng 40,000 Japanese yen o katumbas ng humi­git-kumulang P16,000.

“Naalala ko po ang naging share ko po ay apat na lapad. That’s 40,000 Yen,” ani Antero sa direktang pagtatanong ni Lindon Bacquel.

“Sa pagkakaalam ko po, lahat naman po kami na contribute,” dagdag niya.

Sa cross-examination, tinanong ni private prose­cutor Virgil Ligutan si Antero kung maaari siyang magpakita ng litrato bilang patunay na kasama siya sa 11 kataong kumain sa Ginza kasama si Carpio.

Pero sumagot naman si Antero, “wala po akong dalang photograph.”

Inamin ni Antero na tumatanggap siya ng kabayaran mula kay Carpio dahil nagtatrabaho siya sa law firm nito.

Gayunman, nang tanu­ngin ni Ligutan kung nakatanggap siya ng mahigit P580,000 na remittance mula kay Carpio, batay sa mga rekord ng Anti-Money Laundering Council (AMLC), hindi nagbigay ng tuwirang sagot si Antero.

SARA DUTERTE

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with