Philippine women’s soft tennis team umukit ng kasaysayan sa asiad

MANILA, Philippines — Gumawa ng kasaysayan ang national women’s soft tennis team matapos hatawin ang kauna-unahang medalya sa Asian Games sapul noong 1994, habang dalawang tanso ang tiniyak ng dalawang Pinoy mixed martial artists sa pagsalang ng Team Philippines sa 20th edition kahapon sa Aichi-Nagoya, Japan.

Bago pa man ang opening ceremony kahapon ay sumiguro na ng tanso sina Pinay netters Bien Zoleta, Princess Catindig, Shyryn Salazar, Christy Sa?sa at Hilary Paas matapos umabante sa semifinals ng women’s team event.

Minalas silang makapasok sa finals nang makalasap ng 0-2 kabiguan sa nagdedepensang Japan sa semis sa Nagoya City Higashiyama Park Tennis Center.

Nagdagdag ng dalawang bronze sina mixed martial artists Jean Claude Saclag at Carlos Alvarez sa kanilang pagmartsa sa semifinals.

Tinalo ni Saclag si Saud Fawaz Almolhem ng Saudi Arabia via unanimous decision sa men’s traditional -65 kilogram division at wagi si Alvarez kay Wahyu Setyost Ananda Wahyu Setyo ng Indonesia sa men’s traditional -77kg.

May tsansa sina Saclag at Alvarez sa gold medal kung mananalo sa semis ngayong araw.

Hindi nakaabante si Gina Iniong Araos sa semis ng women’s modern -54kg.

Sa swimming, kamalasan ang inabot nina Kayla Sanchez, Xiandi Chua, Heather White at Teia Salvino matapos ma-disqua?ify sa women’s 4x100m freestyle relay finals.

Hindi pa kasi nakakahawak si Chua sa touch pad ay kaagad tumalon sa tubig si Salvino.

Samantala, sasalang si Paris Olympics double-gold medalist Carlos Yulo at utol niyang si Eldrew Yulo sa men’s all-around event ng men’s artistic gymnastics.

Sa wushu, bigo si wushu artist Agatha Wong na makakuha ng medalya nang pumuwesto sa 10th place sa women’s taijiquan & taijijian.

Sa women’s 5x5 basketball tournament, swak ang Gilas Pilipinas Women sa quarterfinals matapos ang 90-73 paggupo sa Hong Kong para sa kanilang 2-0 record sa Group B.