Stoiana hindi umubra kay Eala
MANILA, Philippines — Hindi umubra sa lakas ni Alex Eala si Mary Stoiana ng Amerika matapos itarak ng Pinay tennis star ang impresibong 6-1, 6-2 panalo para makapasok sa second round ng US Open kahapon sa Louis Armstrong Stadium sa Flushing Meadows, New York.
Inilatag agad ni Eala ang mabagsik na porma nito nang bumulusok agad ito sa first set pa lamang para makuha ang 1-0 bentahe.
Nagtangkang pumalag ni Stoiana nang makuha nito ang 2-1 kalamangan sa first set.
Subalit iyon na lamang ang nakayanan nito matapos ilabas ni Eala ang bagsik nito para tuluyan tapusin ang laro na tumagal lamang ng isang oras at 19 minuto.
“Every exchange had its own challenges, especially in the start of the second set. I think she put me in uncomfortable positions,” ani Eala.
Ito ang ikalawang panalo ni Eala kay Stoiana.
Matatandaan tinalo na ito ng Pinay netter noong 2024 sa ITF 1000 Koser Jewelers Tennis Challenge sa iskor na 7-5, 6-2.
“She’s been having a great run, coming from qualifiers in a good past couple of weeks. So, I’m really happy with this match,” ani Eala.
Dahil sa solidong laro ni Eala, napuwersa si Stoiana na magtala ng 26 unforced errors.
Nagpasalamat si Eala sa mga Pinoy fans na dumagsa sa venue para suportahan ito sa kanyang laban.
Kaliwa’t kanan ang mga bandila ng Pilipinas sa buong stadium.
Sunod na sasagupain ni Eala si Oleksandra Oli
Target ni Eala na makaresbak sa Ukrainian netter na tumalo sa kanya sa opening round ng WTA 500 Strasbourg Open noong Mayo sa France sa iskor na 3-6, 7-5, 6-3.
- Latest
