Tigpayuhot og drugas sa Carcar nadakpan

CEBU, Philippines — Nasikop sa kapolisan ang usa ka 33-anyos nga lalaki ang nadakpan atol sa buy-bust operation sa Proper Valencia, Carcar City, Cebu, alas-2:15 sa hapon niadtong Agosto 22, 2026.

Si alyas Alegarbes, residente sa Sitio Baogo, Barangay Guadalupe, Carcar City, giila sa kapolisan isip usa sa ilang SLI/ watchlist ug giingong nalambigit sa paglapas sa Sections 5 ug 11 sa Republic Act 9165 o Comprehensive Dangerous Drugs Act of 2002, ug Republic Act 10591 o Comprehensive Law on Firearms and Ammunition Regulation Act.

Sumala sa kapolisan, ang operasyon gipahigayon sa Drug Enforcement Unit (DEU) sa Carcar City Police Station base sa Target Intelligence Packet (TIP). Human makompleto ang transaksyon, nadakpan ang suspek ug nasakmit gikan kaniya ang duha ka medium heat-sealed ug upat ka gagmay nga heat-sealed transparent plastic sachet nga adunay gituohang shabu.

Ang kinatibuk-ang gibug-aton sa nasakmit nga suspected shabu gibanabanang 9.25 gramos, nga adunay estimated Standard Drug Price (SDP) nga ?62,900.

Gawas sa illegal nga droga, nasakmit usab sa mga operatiba ang usa ka Cal. .45 pistol nga adunay magazine nga adunay upat ka bala.

Ang nadakpan nga suspek gidala sa Carcar City Police Station pasakaan og kaso tungod sa giingong paglapas sa RA 9165 ug RA 10591. — /IBM (BANAT NEWS)