Iskedyul sa impeachment trial tatalakayin sa Lunes - Tulfo
MANILA, Philippines — Inihayag ni Senator Erwin Tulfo na magkakaroon ng pagpupulong ang Majority at Minortity ng Seando bukas (Lunes) para kunin ang “consensus” ng mayorya ng mga miyembro kung papayag silang ilipat sa hapon ang impeachment trial ni Vice President Sara Duterte.
Ayon kay Tulfo, ito ay para mas mahaba ang oras at mapabilis ang impeachment trial.
Samantala, sinabi ni Sen. Panfilo Lacson na ang sentimyento ng mayorya ng senator-judges ay ilipat ang impeachment trial sa 2:30 ng hapon simula sa Setyembre 1.
Nauna na ring iminungkahi ni Senate Majority Leader Miguel Zubiri na magsagawa ng plenary session sa umaga at impeachment trial sa hapon.
Ang mga suhestyon ay dulot ng maagang suspesyon ng trabaho sa Senado nitong Lunes sanhi nang malakas na pag-ulan at na pagkaantala rin ng impeachment trial ng Martes at Miyerkules dahil sa habagat na nagdulot ng baha sa Metro Manila at karatig lalawigan.
Maliban sa impeachemtn trial ay naapektuhan din ang pagdinig tungkol sa 2027 national budget.
Samantala, suportado ng prosecution panel ang inihihirit na “3pm to sawa” na panibagong iskedyul ng impeachment trial.
Sa kasalukuyang setup ng Senado, ang impeachment trial ni VP Sara ay nakatakda mula alas- 10 ng umaga hanggang alas-3 ng hapon, Lunes hanggang Miyerkules.
- Latest
