2 baril kinuha ng Ateneo shooter sa ama
MANILA, Philippines — Inihayag kahapon ni Bureau of Customs (BOC) Customs Commissioner Ariel Nepomuceno na kinuha umano ng estudyanteng sangkot sa madugong pamamaril sa Ateneo de Zamboanga University (AdZU) ang dalawang baril mula sa sasakyan ng kanyang ama na isang opisyal ng BOC na ikinasawi ng dalawang estudyante kabilang ang shooter.
Ayon kay Nepomuceno na karaniwang ginagamit ng ama ang naturang sasakyan sa paghahatid sa kanyang anak sa paaralan, ngunit ng araw nang insidente ang driver umano ng opisyal ang naghatid sa estudyante.
“Supposed to be, babalikan siya ng driver niya. Nagkaroon tuloy na access ‘yung anak niya sa mga baril niya,” ani Nepomuceno.
Batay sa imbestigasyon, ang shooter na isang Grade 9 student ay may dalang dalawang baril nang mamaril sa klasrum na ikinasawi ng isang Grade 10 student bago nagbaril sa sarili.
Una nang kinumpirma ng BOC na ang isa sa dalawang baril na ginamit ng shooter ay ang baril na inisyu ng BOC sa kanyang ama.
Kaagad sinuspinde ni Nepomuceno ang ama ng bata sa trabaho upang isailalim sa imbestigasyon at matukoy kung nagkaroon ito ng kapabayaan.
- Latest
