Economic growth ng Pinas, bumagal - PSA

MANILA, Philippines — Iniulat nitong Biyernes ng Philippine Statistics Authority na naitala ng Pilipinas ang “new post-pandemic low” na 2.3% Gross Domestic Product (GDP) para sa second quarter ng 2026.

Ang talang ito ay tanda ng muling pagbagal ng paglago ng ekonomiya ng bansa para sa nasabing quarter na mas mababa kung ikukumpara sa 2.8% GDP nitong unang quarter ng kasalukuyang taon.

Ayon sa PSA, ilan lamang sa mga nakaimpluwensya sa nasabing tala ay ang Wholesale and retail trade; repair of motor vehicles and motorcycles; at maging ang edukasyon at manufacturing.

Inamin naman ng Palasyo na nag-slow down ang paglago ng ekonomiya ng bansa, dahil umano sa korapsyon at sa naganap na sigalot sa pagitan ng mga bansa sa Middle East.

Hindi pa rin lubusang nakababawi ang ekonomiya ng Pilipinas mula sa matagal nitong paghina, matapos magsimulang bumagal ang paglago noong ikatlong quarter ng 2025, kasabay ng pagputok ng flood control scandal.

Umabot sa 7.2 percent ang inflation noong Abril, ang pinakamataas na antas sa loob ng tatlong taon.