5 kabaong na ipinakalat ay simbolo ng protesta — Goitia
MANILA, Philippines — Naniniwala ang makabayang grupo na kahit misteryoso pa ang limang kabaong na ipinakalat sa Metro Manila, ay malinaw naman ang mensahe na babala ito laban sa China at Communist Party of the Philippines-New People’s Army (CCP-NPA).
Ito ang sinabi ni Chairman Emeritus Dr. Jose Antonio Goitia at ang mga kabaong ay simbolo ng protesta dahil puno na ang maraming Pilipino na matagal nang sinusubok ng Tsina ang pasensya.
“Hinaharas ang ating mga mangingisda, hinahadlangan ang ating Coast Guard at Hukbong Dagat, at hinahamon ang ating mga karapatan sa kabila ng umiiral na arbitral ruling.
Gayunman, diplomasya, pagpipigil, at paggalang sa pandaigdigang batas pa rin ang pinili ng Pilipinas.
Ayon kay Goitia, hindi iisang pangyayari ang pinagmulan ng lumalalim na galit ng publiko kundi ang matagal nang sunud-sunod na panggigipit ng Tsina sa West Philippine Sea at ang paulit-ulit na paghamon sa soberanya ng Pilipinas.
Kinuwestiyon din ni Goitia ang paraan ng pag-uulat ng mga media outlet na aniya’y may pagkiling sa Tsina na sadyang nilabo o hindi ipinakita ang mahahalagang detalye o larawan ng mga kabaong.
Tungkulin ng media na ihatid ang mga katotohanan nang buo at patas, hindi ang hubugin ang pananaw ng publiko.
Kapag tila may impormasyong pinipiling ilahad o binabawasan, likas lamang na itanong kung kaninong interes ang pinaglilingkuran.
- Latest
