Reunion concert sa viva Hotbabes, plantsado na?

CEBU, Philippines — Gidungog nga  matuman na ang dugay nang gipaabot nga reunion concert sa Viva Hotbabes human nagpagawas og teaser ang VAA Live nga adunay caption nga ,”Reunion ? Ano Tara?”.

Sa teaser, makita ang silhouette sa pito ka babaye, ug dunay flower logo.

Ang Viva Hotbabes kay usa ka sikat nga girl group nga gitukod sa Viva Entertainment niadtong 2003.

Gipasikat sa maong grupo ang awit nga “Bulaklak,” nga komposisyon ni Lito Camo. Pipila sa mga miyembro niini kay sila Maui Taylor, Katya Santos, Myles Hernandez, Sheree, Gwen Garci, Kristina Jaca, Jen Rosendahl, ug Andrea del Rosario.

Mr. and Ms. Eco Warrior 2026 indigay nga nag-promote sa pagpanalipod sa kalikopan

Ang  mahimong tingog sa pagpanalipod sa kalikopan   ug  ang  pagpahinumdom sa publiko sa importansya sa maong butang  maoy nagpahipi nga tingoha sa kapin sa 40 ka candidates sa  Mister and Miss Eco Warrior 2026.

Atol sa press presentation sa official candidates  nga gipahigayon sa usa ka mall sa Dakbayan sa Mandaue , gibutyag sa tanang candidates nga dakong garbo alang kanila nga mahimong kabahin sa maong  indigay gumikan kay nagtangag kini og adbokasiya.

Sa  ikaduhang tuig sa maong indigay , gipalapdan sa pageant  directors  nga sila Neil Kristian Veligaño ug Mary Ann Moreno ang mga kategoriya pinaagi sa paglakip sa Male Kids ug Male Teens aron mas daghan ang makaapil sa kampanya alang sa pagpanalipod sa kalikopan .

Ang tema sa maong indigay  karong tuiga mao ang “Under the Sea,” diin ipakita sa candidates  ang ilang formal wear o evening gowns inubanan sa hugyaw nga  mga costume.

Ang candidates  sa Male Teens Category kay  sila Aaron Adolfo (Casuntingan, Mandaue City), Aaron Clyde Bartiana (Paknaan, Mandaue City), Aizmer Bacaling (Tisa, Cebu City), Francis Uriel Ardiente (Budlaan, Cebu City), Hans Delos Reyes (Bulacao, Talisay City), John Clarence Abucay (Consolacion), Niel Mendoza (Tejero, Cebu City), Noah Vallecera (Maguikay, Mandaue City), Paul Pacheco Jr. (Lahug, Cebu City), Zander Alec Comendador (Lorega San Miguel, Cebu City), Bernie Menesis (Lapu-Lapu City), ug John Kyle Maquiling (Camputhaw, Cebu City).

Sa Female Teens Category, magtigi sila Zonora Curaza (Danao City), Sofia Vironne Maru (Mandaue City), Rhynrose Calooy (Pagsabungan, Mandaue City), Lynland Pearl Resuena Alico (Bantayan Island), Leah Jane Agad (Banilad, Cebu City), Heart Jaca (Inayawan, Cebu City), Claire Janelle Lim (Liloan), ug Chris Gabrelle Aleonar (Carcar City).

Samtang ang candidates sa Male Kids Category kay sila Sancho Von Maru (Canduman, Mandaue City), Jio Gabriel Conson (Lapu-Lapu City), Zian Max Jorje (Binaliw, Cebu City), Jude Kaizer Pelayo (Mabolo, Cebu City), Kyle Nakagawa (Alang-Alang, Mandaue City), ug Lucas Joreza (Catmon).

Dili  usab magpaulahi ang  Female Kids Category nga gilangkoban nila  Andrea Leigh Managaytay (Binaliw, Cebu City), Brisyl Jagopa-as (Bolinawan, Carcar City), Mhary Chlowee Patatag (Capitol Site, Cebu City), Venice Jean Morales (San Vicente, Liloan), Rovi Aizhen Matos (Canduman, Mandaue City), Bianca Isabel Bolitche (Mabolo, Cebu City), Kate Cluey Colonia (Opao, Mandaue City), Samantha Gaile Limpiado (Tipolo, Mandaue City), Nathalia Digran (Yati, Liloan), Audreinna Zaimae Messerly (Tuyom, Carcar City), Ayana Villar (Talisay City), Lourd Venice Cañeda (Inayawan, Cebu City), Maria Ada Andrea Yulo (Tisa, Cebu City), ug Princess Ruth Sta. Ana (Lapu-Lapu City).

Kahinumdoman nga gibuksan  na  ang online voting niadtong Hunyo 24  ug motak-op kini sa  alas-12 sa udto karong  Agosto 8 pinaagi sa pakigtambayayong sa Efficientrix IT Solutions. Ang makakuha og labing taas nga  botos sa matag kategoriya kay awtomatikong makasulod sa Top 7.

Mahitabo  ang coronation night karong  Agosto 8, 2026 sa Mabolo Sports Complex , diin pilion ang mga modaog alang sa mga titulo nga Mr. ug Ms. Eco Warrior 2026, Earth, Air, Water, Fire, First Runner-Up, ug Second Runner-Up, lakip na ang espesyal nga award alang sa Best in “Under the Sea” Costume.

Elijah ug Miles  gidungog nga nagbulag

Gidungog nga nagbuwag na sila Elijah Canlas ug Miles human nabatyagan nga wala na kaayo mag-uban ang duha.

Nisamot pa gyud ang maong intriga human nasigpatan si Elijah nga nibakasyon sa La Union kauban ang barkada ug ang na-link niya nga aktres nga si Thea Astley.

Tak-om lang ang duha ka kampo kalabot sa maong taho.

Kahinumdoman nga nakasulay na sila Elijah ug Miles nga nagkabulag kaniadto apan nagbalik  ra pud. 

Gipatangtang ang boobs

Human  sa 10 ka tuig, hingpit na nga gipatangtang ni  Toni Fowler ang  iyang breast implants. Bag-o lang siya nipaubos og  operasyon aron hingpit nang matangtang ang peke niya nga boobs.

Sa wala pa ang operasyon, giangkon ni Toni nga dugay na siyang interesado nga masinati kung unsa ang pagbati nga natural ug flat ang dughan.”Buong buhay ko, hindi ko talaga na-experience ang maging flat kaya talagang naging fantasy ko talaga na maging flat,” suma pa ni Toni.

Mitan- aw sa BTS concert

Wala gyud palabya ni Lea Salonga ang pagtan -aw sa BTS “Arirang World Tour” concert sa MetLife Stadium sa New Jersey, Estados Unidos sa niaging adlaw uban sa iyang anak nga si Nic Chien.

Suma pa sa singer nga  wala siya magkuha og daghang fancams tungod kay gusto niyang masinati mismo ang pagsaksi sa  pasundayag. Namatikdan usab niya ang presensya sa daghang Pinoy ARMY sa maong concert.

Naghinam-hinam sa proyekto

Nagpanikad na si Will Ashley sa iyang umaabot nga proyekto uban kang Mika Salamanca, ang comedy series nga “Delivery Boi.”Suma pa  ni Will, lahi ang maong proyekto kumpara sa iyang mga nahimo kaniadto.Gipaambit usab ni Will nga seryoso silang nangandam ni Mika alang sa maong proyekto.