Pamilya dapat ang prayoridad

Dear Dr. Love,

Tawagin n’yo na lang po akong Nestor, 38 taong gulang at may pamilya. Sumulat po ako dahil may matinding tensyon sa amin ng misis ko ngayon.

Nagkakaproblema po sa pinapasukan kong kumpanya dahil sa mga unfair labor practices at bawas-benepisyo. Dahil dito, nagpaplano ang unyon namin na maglunsad ng malaking rally. Gustong-gusto kong sumama dahil ramdam ko ang hirap ng mga kasamahan ko at gusto kong ipaglaban ang karapatan namin.

Kaya lang, mahigpit na humahadlang ang misis ko. Natatakot siya na baka mapag-initan ako ng management at matanggal sa trabaho. Ang katwiran niya, napakahirap maghanap ng trabaho ngayon at paano na lang daw ang mga bata kung mawalan ako ng sweldo?

Naiintindihan ko ang takot niya, pero inuusig din ang konsensya ko na manahimik lang habang ang iba ay lumalaban para sa kapakanan na-ming lahat. Ano po ba ang dapat kong piliin—ang seguridad ng pamilya ko o ang paninindigan kasama ng mga katrabaho ko?

Nestor

Dear Nestor,

Ang problema mo ay hindi lang usa-
pin ng trabaho; ito ay pagsubok sa pagbabalanse ng iyong prinsipyo at ng iyong tungkulin bilang haligi ng tahanan.

Marangal ang kagustuhan mong makisama sa iyong mga katrabaho. Pero huwag mong sisihin ang iyong misis; ang takot niya ay hindi dahil iba ang prinsipyo niya, kundi dahil sa lalim ng pagmamahal niya sa inyong pamilya. Sa hirap ng buhay nga-yon, ang mawalan ng hanapbuhay ay isang malaking krisis para sa mga bata. Pamilya ang iyong unang responsibilidad.

Gabayan ka nawa ng Maykapal.

DR. LOVE