Tin-edyer gikuha sa Wizards nga No.1
CEBU, Philippines — Ang higanteng tin-edyer nga si Anicet "A.J." Dybantsa Jr. maoy gipili sa Washington Wizards nga No.1 overall pick sa 2026 NBA Draft kagahapong adlawa.
Ang 6'8" nga si Dybantsa gibira sa Wizards human nakaduwa og usa lamang ka season sa college basketball uban sa Brigham Young University Cougars diin siya mi-average og 25.5 puntos sud sa 35 ka duwa uban ang 6.8 rebounds ug 3.7 assists.
Si Dybantsa mosud sa NBA human sa impresibong karera sa youth basketball. Siya maoy nangu sa Amerika sa 2025 FIBA Under 19 World Cup diin siya gipasidunggan nga MVP sa torneyo.
"It means a lot," matud pa ni Dybantsa.
"Obviously it's just a stepping stone and I have a lot more work to do. But it's a testament to all my hard work and discipline and the sacrifices that I've made," dugang pa sa 19 anyos nga forward.
Sa laing bahin, ang Utah Jazz milabni ni University of Kansas prospect Darryn Peterson isip No.2 pick.
Sama ni Dybantsa, ang 6-foot-6 guard nga si Peterson mopakita'g aksiyon sa NBA human sa usa lamang ka tuig nga pagduwa sa kolehiyo.
Samtang si 2026 National College Player of the Year Cameron Boozer maoy No.3 pick sa Memphis Grizzlies.
Si Boozer anak ni two-time NBA All-Star Carlos Boozer, nga 13 ka tuig nga beterano sa NBA uban sa Cleveland Cavaliers, Utah Jazz, Chicago Bulls, ug Los Angeles Lakers.
- Latest
