Duha ka sunog niulbo sa Cebu City

CEBU, Philippines — Moabot sa 16 ka pamilya ang naapektuhan sa duha ka sunod nga sunog nga nahitabo sa Barangay Labangon ug Barangay Mabolo sa Dakbayan sa Sugbu  sulod sa 12 ka oras, sumala sa Bureau of Fire Protection (BFP).

Ang unang sunog nahitabo sa Sitio Bugnay 2, Barangay Labangon alas 7:05 sa gabii niadtong Hunyo 15, 2026. Gideklarar og first alarm alas 7:07 sa gabii ug nakontrolar alas 7:45 sa gabii, samtang deklarar nga fire out alas 8:49 sa gabii.

Base sa report sa BFP, 14 ka mga balay ang hingpit nga naugdaw samtang upat ang nakan-an sa kalayo. Ang sunog nakaapekto sa 14 ka pamilya nga adunay kapin 70 ka mga indibidwal.

Nagbilin kini og P210,000 nga kadaot sa kabtangan. Walo ka  firetrucks ug walay natala nga namatay o naangol.

Samtang sayong kabuntagon sa Hunyo 16, 2026, usa na usab ka residential fire ang miigo sa Sitio Stacionan, Barangay Mabolo alas 4:29 sa buntag.

Gideklarar ang first alarm alas 4:38 sa buntag ug nakontrolar ang sunog alas 4:50 sa buntag. Deklarar nga fire out ang insidente alas 5:12 sa buntag.

Tulo ka mga balay ang nasunog sa maong insidente nga nakaapekto sa duha ka pamilya o 28 ka mga indibidwal.

Gibanabanang 150 square meters ang nasunog ug mokabat sa P450,000 ang kadaot sa kabtangan.

Sama sa sunog sa Labangon, wala usab’y natala nga namatay o naangol sa insidente sa Mabolo.

Padayon pang giimbestigahan sa mga awtoridad ang hinungdan sa duha ka sunog aron masuta kun unsay hinungdan niini. IBM BANAT NEWS