“Enna you know!”
Daghang maka-relate nga mga batang Pinoy sa pagkat-on kabahin sa kalikopan pinaagi sa bag-ong Knowledge Channel show nga “Enna You Know!” nga magsugod karong Septiyembre 16. Bida sa programa si Enna (Zavinna Badena), nga mosusi sa nagkalain-laing problema sa kalikopan.
Matag adunay pangutana si Enna, mangayo siya og tabang sa iyang kuya nga si Geo (Benedix Ramos), usa ka environmental scientist nga motabang kaniya pagpasabot sa siyensya luyo sa mga problema ug sa yano nga mga solusyon nga mahimong buhaton matag adlaw.
Gihimo sa Knowledge Channel Foundation Inc. (KCFI) ang four-episode series uban sa Schneider Electric Foundation, Schneider Electric Philippines, Makesense Asia ug Department of Education (DepEd).
Ang “Enna You Know!” kay ipasalida matag Miyerkules, Huwebes ug Domingo sa Grade 9-10 block, sa alas-4 sa hapon, ug adunay replay alas-10:40 sa gabii sa DepEd TV powered by Knowledge Channel.
- Latest
