Andam modawat og GL project

CEBU, Philippines — Andam ra gyud sila Alexa Ilacad ug Xyriel Manabat nga mahimong kabahin sa usa ka  GL (Girls’ Love) project .

Wala ra gyu'y problema kanila nga makadawat og "challenging" role .

Mosugot usab sila nga makabaton og kissing scene sa susama nila nga babaye .

Malangan ang pagpakasal

Nagkalig-on og samot ang relasyon  nila ni Aiko Melendez ug Onemig Bondoc busa dako ang pagtoo sa ilang fans nga mosangpot gyud sa pagpakasal ang ilang panaghigugmaay.

Una na nga gibutyag sa duha nga sila na gyud ang mag-uban sa tibouk nila kinabuhi.

Apan napanglantawan nga malangan pa kung mohukom sila nga magpakasal gumikan kay  dili pa annulled ang kasal nila ni Onemig ug sa kanhi niya kapikas nga Valerie. 

Yeng, dili pa andam magka-baby

Gibutyag sa singer nga si Yeng Constantino nga dili pa gyud siya andam nga makabaton og anak gumikan kay duna pa siya’y laing mga obligasyon.

Kapin na sa usa ka dekada   ang kaminyoon nila ni   Yan Asuncion.

Matud pa sa singer nga wala sila magdali sa maong butang, ilabi na nga duna pa sila’y laing giatiman .