Gitabangan ni Coco

CEBU, Philippines — Todo trabaho ang  aktor ug producer nga si Coco Martin aron mapadayon ang kasikas  sa iyang produksiyon ug masuportahan ang kapin 300 ka empleyado nga nagdepende niini. Ang iyang CCM Productions maoy nagdumala sa serye niya nga Sigabo .Dugang pa niya, ang ilang kusog nag-agad sa suporta sa usa’g usa.

“Ayaw na og balik,” gi-release na!

Gilusad  na kagahapon, Agosto 28, ang bag-ong awit nga “Ayaw Na Og Balik,” nga gitagik  ni Paul Rosa ug giawit ni Nashy Casas. Si Neil Salarda ang nagsilbing arranger niini .

Suma pa ni Paul sa interview niini sa Banat News Hugyaw , nagtuyok  ang “Ayaw Na Og Balik” sa istorya sa usa ka tawo nga dugay nang nag-antos sa kasakit ug pagpangilad gikan sa iyang hinigugma. Bisan pa man nga nasayod na siya nga gipasakitan ug gilimbongan lamang siya, nagpadayon gihapon siya sa paglaom nga basin pagsulay lamang ang tanan ug mausab pa ang iyang hinigugma sa umaabot.

Apan niabot  ang higayon nga gikapoy na pag-ayo ang iyang kasingkasing ug dili na niya kaya ang padayon nga kasakit ug kangitngit sa iyang kinabuhi. Sa ulahi, kinahanglan niyang dawaton ang kamatuoran nga wala na’y padulngan ang ilang relasyon ug mas maayong undangon na kini ug mopalayo.

Sa pagka -karon  ,  naka- upload na  ang audio material sa  “Ayaw Na Og Balik” sa Facebook page ug YouTube Channel nga “Nash & Paul”. 

Atom, mosusi sa seguridad sa mga tunghaan

Mosusi si  Atom Araullo sa mga importanteng pangutana kabahin sa seguridad sa mga eskwelahan ug proteksiyon sa mga estudyante sa “The Atom Araullo Specials: What We Don’t See,” nga ipasalida karong alas-9:30 sa gabii , Agosto 29,  GMA Network. 

Sutaon niini ang mga hulga sa kaluwasan nga mahimong atubangon sa mga estudyante sulod ug gawas sa classroom.

Tumong sa programa nga masabtan ang mga hagit sa pagmintinar sa kaluwasan sa mga estudyante ug sa paghimo og mas luwas nga palibot alang kanila.