Proud asawa

CEBU, Philippines — Gipasigarbo ni Jessy Mendiola ang iyang bana nga si Luis Manzano gumikan sa tingoha niini nga moalagad sa mga tawo. Suportado gyud ni Jessy ang pagdagan ni Luis  isip bise gobernador sa Batangas.  "This wasn’t part of our plan but God had other plans for us. Isa ka sa pinaka-masipag, maalaga at mapagbigay na tao na kilala ko. Kahit noon pa man, palagi mong iniisip kapakanan ng ibang tao. Mahilig kang tumulong at makinig sa iba kahit pa walang kapalit na ano pa man, hindi mo gusto na binabanggit 'yung pangalan mo o pinapaalam pa sa taong tinutulungan mo,"mensahe pa niya ngadto sa iyang bana.

Gihangop ang edad

Alang kang Piolo Pascual , importante kaayo ang paghangop sa kasamtangang pangedaron.  Suma pa sa 47 anyos nga aktor nga ang paghisgot sa edad kay nagtuki pud sa kinabuhi sa tawo .“For me, as a guy, you have to embrace it. At my age, mahirap mang tanggapin ang inevitable, nagkasalamin na rin ako, puting buhok, wala tayong magagawa. It’s inevitable. I’m embracing it in such a way that I don’t celebrate my lines, I don’t celebrate ‘yung aging but I just embrace it because it talks about your life, your journey,” saysay pa niya ngadto sa  ABS-CBN News.

Prayoridad ang anak

Wala mosanong si Andrea del Rosario sa mga hangyo nga mobalik siya sa politika. Kanhi bise mayor ang aktres sa Calatagan, Batangas . Nibalibad si Andrea niini gumikan kay hatagan niya og prayoridad ang pag-atiman sa iyang anak .

Barbie magpabilin sa Batang  Quiapo

Niisyu na og  official statement ang ABS-CBN isip tubag sa nikatap nga chika nga matud pa  giwagtang na ang karakter ni Barbie Imperial sa teleseryeng  “FPJ’s Batang Quiapo.”

Suma pa nga dili tinoud ang maong nikatap nga taho .

Matud pa nga angayan atngan ang mga umaabot nga eksena ni Barbie sa maong teleserye  kun diin nidala kini sa karakter ni Tisay.

“Barbie, Coco Martin and the production team openly communicate with each other and she remains committed to the series.Viewers can look forward to her exciting scenes a Tisay in the coming episodes," tipik sa statement sa ABS-CBN. 

BINI pasok sa website sa Grammy

Padayon ang paglawig worldwide  sa grupong BINI kun maghisgot og popularidad.

Ang nahisgotan nga girl group kay pasok   sa website sa Grammy Awards alang sa listahan sa  “12 Rising Girl Groups To Know Now” .

“BINI has captured Southeast Asia with EDM-driven pop production and a blend of English and Tagalog lyrics,” tipik sa mensahe nga namantala sa website .

Nahisgotan usab ang kalamposan sa BINI kun din mao kini ang una nga Pinay performers nga nahimong kabahin sa Top Artist Global Chart sa Spotify , ug naka-perform usab kini sa   KCON Festival. 

'Tadhana' nagsaulog sa ilang 7th anniversary

Sa pagsaulog sa 7th anniversary sa  programa ni Marian Rivera  nga Tadhana, modalit kini sugod karong adlawa og tulo ka hugna nga special story nga maghatag og inspirasyon sa publiko.

Ang maong  special episode kay nag-ulohan og  “Sino si Alice?” nga gibitoonan sa  Kapuso stars nga sila si Herlene Budol, Mon Confiado, Jon Lucas, Thea Tolentino, ug Kim Perez.

Maghisgot kini sa istorya sa babaye kun diin ang kamatayon niini kay nagpabiling misteryoso.

“Lavender Fields” ug  “Pamilya Sagrado” gikagobtan

Padayon nga gipistahan  ang mga teleserye sa ABS-CBN nga  “Lavender Fields” ug  “Pamilya Sagrado” nga nakabaton napud og dili basta-basta nga online viewership records sa Kapamilya Online Live sa YouTube sa niaging gabii.

Nakuha sa “Lavender Fields” ang bag-o nilang all-time high peak concurrent views nga 657,514 human gipaminaw  ni Zandro (Albert Martinez) ang pagpasabot  ni Jasmin (Jodi Sta. Maria) kalabot sa iyang  pagtago sa pagkatawo ni Lavender Fields ug sa pag-ikyas niini gikan sa  sa kamot ni  Iris (Janine Gutierrez).

 Bag-ong  milestone  usab  ang naangkon sa  “Pamilya Sagrado” isip  labing una nga  primetime serye sa ikatulong  slot nga nakalangkat og  307,369 peak views ilabi na sa eksena  sa   unang panag-abot nila ni  Rafael (Piolo Pascual) ug Moises (Kyle Echarri) human nahibaw-an sa kanhi  presidente nga anak niya kini.

Mosulod usab sa maong teleserye  ang mga  karakter nila ni Ketchup Eusebio, Argel Saycon, Zeppi Borromeo, Marela Torre, Ross Pesigan, Junjun Quintana, ug Ryan Eigenmann.

Robb ug Azi mipasabot sa ilang paghubo

Gipaambit sa Vivamax stars nga sila si Robb Guinto ug Azi Acosta ang rason kun nganong gisudlan nila ang pagpa-sexy atubangan sa kamera.

Matud pa ni Robb nga usa kini sa iyang nahuna-hunaan kaniadto aron mokita ug makatabang sa iyang pamilya.

“Siguro sa akin sa family. Kasi ‘yon po iyong way ko para kumita ng pera. Since I joined din naman sa mga magazines, so sabi ko why not hindi pa dito sa mas malaking pangalan. Bakit hindi pa sa Viva?” nagkanayon si Robb sa interview niini sa Kapuso show nga “Fast Talk With Boy Abunda”.

Samtang si Azi sa iyang bahin , wala niya usiki ang panahon sa dihang naabot ang oppurtunidad nga  nibukas ang pultahan sa  showbiz alang kaniya.

Gani nisupak pa ang iyang inahan kaniadto nga modawat og Vivamax projects. Nihatag og katin-awan sila si  Robb ug Azi   sa sayop nga pagtoo sa mga tawo kalabot sa ilang pagka-sexy actress.

Matud pa nga dunay mga tawo nga niingon nga ang  pag-flirt maoy usa sa tumong sa mga sexy stars butang nga ilang gihimakak.

“Hindi po totoo. Hindi naman porket naghuhubad kami, ‘yon na agad ang tingin sa amin ng tao," matud pa ni  Robb.

“Marami po talagang ganyan na porket akala nila naghuhubad kami, ganoon din kami sa totoong buhay. It’s not true,”  ang mensahe pud  ni Azi.

Nagkanayon ang duha  nga dili lang kutob sa kaguwapa  ang ilang kapasidad.

“Hindi puwedeng ganda lang, kailangan matalino ka, magaling ka magsalita," suma pa ni  Robb. Nihirit dayon si  Azi sa pulong nga  "madiskarte." Dili matud pa lalim ang paghubo  sa mga shooting.

“Sa una siyempre, sobrang hirap talaga sa part namin dahil kumbaga pinapakita mo ‘yung lahat eh. I mean, wala na kaming tinatago talaga. All out na talaga ‘yon eh,” ni Robb pa.

Giangkon pud ni Azi nga sa una niya nga sexy project , gusto dayon niya nga mahuman ang iyang eksena .

“Actually nga po nu'ng una ko, sabi ni direk, parang gusto ko daw matapos agad. Halata pala 'yun sa camera. Kasi first time ko 'yun magpapakita ng katawan,” suma pa ni Azi.

Gitataw sa duha ka sexy stars nga wala pa sila nabastos sa ilang mga katrabaho. 

“Tabi” ni Blackburn, gidalit ngadto  sa magbarkada

Gipabuhagay  sa Kapamilya artist nga si Rob Blackburn ang kahulogan sa tinuod nga panag-uban sa magbarkada  sa iyang bag-ong kanta nga "Tabi."

Siya mismo ang nagsulat sa awit nga nagpasalamat sa mga tawo nga nagpabilin  luyo  sa mga pagsulay ug kadaugan sa kinabuhi. Giprodyus kini ni StarPop label head Roque “Rox” Santos.

“I was thinking about what it means to have a friend. The concept of love can’t just apply romantically to two people of the opposite sex, it’s also alright for boys to express the love they have as friends. Like John Mayer said, ‘Love shouldn’t always be expressed as superficial romance but as a way to say that you have somebody’s back,’” saysay pa ni  Blackburn.

Bag-ohay lang, gipakita niya ang iyang sweet ug romantic side sa mga awit nga "Runaway" ug "Biyernes Ng Gabi." Sa bag-ong single nga "Tabi", iyang gipakita ang iyang musical growth sa pag-explore sa alternative rock genre.

“This song’s riff and pattern takes inspiration from the alternative rock I listened to in the birth of my musical journey. Past the romance of both ‘Runaway’ and ‘Biyernes Ng Gabi,’ I can also express love in terms of friendship. This song can serve as an anthem for any close and diehard barkada to say I love you to each other,” dugang pa niya .

Alang kang Blackburn, ang musika kay nakatabang kaniya sa pagpahungaw sa iyang  pagbati ug mga mensahe.

“Ever since I was a child I sang songs and melodies to myself and it has been the way I have expressed myself in the majority of my life. I want to live my life continuously singing to ensure that my voice matters and because I feel a higher passion and purpose, I want to maximize this potential through my songwriting abilities,”  niya pa.

Niadtong 2022, nailhan si Blackburn isip usa sa mga housemates sa "Pinoy Big Brother Kumunity Season 10" diin nakuha niya ang titulo isip fourth big placer. Misulod usab siya sa pag-arte ug nahimong bida  sa nagkalain-laing serye sa Pie Channel nga sama sa "The Chosen One" ug "Eat Pray Love."

Ang single nga "Tabi" ni Blackburn kay madungog sa  nagkalain-laing digital streaming platforms.   

Rocco nakahimamat kang Song Joong-Ki

Wala nagpaulahi si Rocco Nacino sa pagpahulagway kauban ang  South Korean actor nga si Song Joong-Ki ug nahitabo kini atol sa pagtambong niya sa  29th Busan International Film Festival sa niaging gabii .

 Matud pa ni Rocco nga giingnan siya sa maong aktor nga unta  iya kining imbitaron nga motikang dinhi sa Pilipinas .

Igo nalang sa pag-komedya si Rocco ug nilenggua og ," Paano ko naman gagawin yun? Haha."

 Gidayeg usab niya ang kaboutan ni Song Joong-Ki ug gihulagway niya kini nga dilli arte.

"I'd have to say, he is the most warm and accommodating actor of all the actors I talked with. Kind person. Deserve niya blessings niya." 

Kathryn spotted sa GMA Network

Nitikang si Kathryn Bernardo sa building sa GMA Network sa niaging adlaw ug duna kini kalabotan sa promosyon sa pelikula nila ni Alden Richards nga “Hello, Love, Again” .

Gipaabot nga molugwa si Kathryn isip special guest sa nagkadaiyang programa sa Kapuso Network .

Ang maong pelikula kay makita sa mga sinehan karong Nobyembre 13. Nasayran nga kolaborasyon kini  Star Cinema ug  GMA Pictures.