Hapit nagbuwag

CEBU, Philippines — Giangkon ni Jessy Mendiola nga dunay higayon nga hapit sila nagbuwag sa iyang bana nga si Luis Manzano. Matud pa ni Jessy nga duna’y mga  daotan nga higala si Luis kaniadto ug dinhi nag-ugat ang grabe nila nga lalis. Gikatahong nilaban si Luis sa mga higala niini nga wala mauyoni ni Jessy.

Makauban si Euwenn

Makauban ni Nadine Lustre ang  “Firefly" child star nga si Euwenn Mikaell alang sa upcoming Kapuso afternoon series nga "Forever Young."  Mao kini ang magsilbing acting comeback sa aktres . Modala isip  mag-inahan ug anak  sa maong serye sila si  Nadine ug Euwenn  , ug gipaabot nga modalit kini og bug-at nga emosyon. "Sobrang natuwa ako sa GMA kasi nabigyan ako ng chance na mailabas ko 'yung acting ko. This is my comeback,” saysay pa ni Nadine ngadto sa GMA News.

Nahimamat ni Sofia

Nagmayan si Sofia Pablo gumikan kay nahimamat niya ang mga bitoon sa  “Emily in Paris!”Nahitabo kini sa   cocktail reception sa maong  Netflix series didto sa  Rome, Italy kun diin dunay  surprise appearance  sila si Lily Collins, Lucas Bravo, ug Ashley Park.“Still can’t believe this is real. Cocktail night turned into an unforgettable evening as the cast of ‘Emily In Paris’ walked in!” , “ Instagram post ni Sofia. 

Kamala gi-endorsar ni Taylor

Gibutyag sa  singer nga si Taylor Swift nga i-endorsar niya pagka-presidente sa Amerika  si  Democratic Vice President Kamala Harris  .

Gianunsyo niya kini pagkahuman sa presidential debate tali nila ni Harris ug kanhi President Donald Trump.

“I will be casting my vote for Kamala Harris and Tim Walz in the 2024 Presidential Election.I think she is a steady-handed, gifted leader and I believe we can accomplish so much more in this country if we are led by calm and not chaos,” tipik sa Instagram post ni Taylor.

Vivamax actor migradwar og Marine

Migradwar na sa niaging adlaw  sa kursong Bachelor of Science in Marine Transportation sa Asian Institute of Maritime Studies ang Vivamax actor nga  si Armani Hector .

Nailhan  si Armani kaniadto human  nahimo kining kabahin sa Karinyo Brutal ni  Direk Joey Reyes.

Naa na karon sa transisyon ang  aktor  gikan sa  pagdawat og sexy roles  ngadto na sa  wholesome projects. 

KATSEYE naghinam-hinam  sa Pilipinas

Dili na gyud kapugnan ang pagpanikad  sa multinational girl group nga  KATSEYE alang sa pagtikang nila ni dinhi sa Pilipinas.

Nasayran nga   nalakip sa maong grupo   ang Pinay nga si  Sophia Laforteza ug gikatakda sila nga mobisita sa nasud karong September 17-19. "We're excited to come to the Philippines, like we've been waiting for this moment," saysay pa ni  Sophia sa  interview niini sa  ABS-CBN News. 

Streetboys mag-reunion

Subling mag-uban sa entablado  ang  '90s dance group  nga Streetboys pinaagi sa  ilang  reunion concert sa  New Frontier Theater didto sa  Quezon City karong  Nobyembre 8.

Ang  miyembro niini nga si Vhong Navarro  kay sa usa mga nipaambit sa maong taho sa social media.

Kahinumdoman  nga giporma ni Chito Roño ang Streetboys niadtong 1993 ug gilangkoban kini nila ni  Navarro, Jhong Hilario, Spencer Reyes, Michael Sesmundo, Nicko Manalo, Meynard Marcellano, Christopher Cruz, Joey Andres, Winferd Chua , Joseph De Leon, ug  Jayvee Amurao.

GMA ug Singson magtinabangay sa “Barkadahan ng Makakasalanan “

Ka-partner sa GMA-Pictures  si kanhi  Ilocos Sur Governor Luis “Chavit “ Singson sa pag-produce sa pelikulang Barkadahan ng Makakasalanan .

Gihimo  niadtong Martes ang contract signing alang sa maong katuyoan.

Gitambongan kini nila ni  Singson, GMA Pictures president Annette Gozon-Valdes, GMA Pictures Senior vice-president Nessa Valdellon,  Pinky Tobiano, ug ang mga artista sa  Sparkle GMA Artist Center nga sila si  Rabiya Mateo, Betong Sumaya, Chanty Vidal, ug  Chariz Solomon.

Ang Barkadahan ng Makakasalanan kay ubos sa direksyon ni Benedict Mique .

Gawas sa mang protekto ,  mag-uban usab ang GMA –Pictures ug Singson sa pag-umol og pelikula nga pagabidahan sa sikat nga Kapuso actors  ug usa ka international celebrity.