Ang gisubay nga kapalaran ni Colet

CEBU, Philippines — Si BINI Colet maoy special guest sa ikaupat nga episode sa talk show ni Melai Cantiveros nga "Kuan-On-One”

Gipaambit  ni Colet  ang mga kaagi  niya sa wala pa siya hingpit nakasulod sa BINI. Nagikan  si Colet sa Tagbilaran City, Bohol. Giangkon niya nga dunay mga higayon nga ganahan niya putlon ang pangandoy niya nga mosulod sa showbiz ilabi na panahon sa pandemya.

Apan nasulod sa iyang huna-huna nga mausik ang iyang hinagoan kun moundang siya niini. Sa wala pa siya nahimong miyembro sa  BINI , ni-audition siya sa  "Tawag ng Tanghalan" ug sa reality show  nga "Pinoy Big Brother." 

 Mapasalamaton siya Kahitas-an sanglit ang iyang kapalaran  nitugdon gyud   sa grupo nga BINI.

BINI Sheena ginganlan og  “ Mother of  Eyy”

Dili na mabangbang ang kasikat sa expression nga “Eyy” ug   si BINI Sheena maoy nagpasikat sa maong pulong . Tungod sa kasikat sa maong expression, ginganlan na si BINI Sheena sa iyang fans isip “ Mother of Eyy”.

"Sige po palaganapin niyo lang siya kasi wala naming harm, you know, positive lang. Eyy ka muna, eyy,” saysay pa ni Sheena .

Giangkon   sa singer nga siya mismo kay  nakugang sa dihang  nag-viral sa social media ang  "Eyy" .

"Nagugulat ako na sa mga casuals... kung saan-saan ko na nakikita ‘yung ‘Eyy’, actually ‘di ko alam kung ano’ng mafi-feel ko,” nagkanayon si Sheena sa interview niini sa  ABS-CBN News.

  Gitambagan hinoun ni Sheena ang mga tawo nga dili ganahan sa expression nga “Eyy” nga dili nalang kini paminawon.

“If ayaw mo mag-'Eyy' eh you just close your ears, di ba? Huwag kang makinig. Basta 'Eyyyy' lang. Positive vibes lang around here. If you are happy, say 'Eyy,” ni Sheena pa.

Aminado siya nga ang paglitok sa maong expression kay makahatag gyud og pahiyom.

"Mayroong ‘Bloom’ na nagsabing ga-graduate siya. Ta’s naiiyak siya. Eh alam niyo naman ayoko na umiiyak 'yung mga tao, so sabi ko, ‘Eyy ka muna, eyy.’ So at least, nakapag-eyy muna siya bago siya humagulgol,” saysay pa ni Sheena. 

Wala sa guest list Nadine wala kasulod sa GMA Gala 2024?

Gisumsoman karon sa netizens ang niulbo nga taho nga matud pa wala kasulod si Nadine Samonte sa GMA Gala 2024  gumikan kay wala kini sa guest list.

Nag-ugat ang maong taho sa dihang nagsaba-saba sa social media ang nagpailang  stylist ni Nadine nga si Keith Manila kinsa maoy nisaysay nga wala ang pangalan sa aktres sa guest list  bisan paman nga nakadawat kini og imbitasyon.

“Treat your artists right. Kahit na di yan prime niyo. Bat kayo magiinvite pero wala pala sa listahan. Wag niyo unahin mga influencers na inivite niyo. So disappointing Sparkle GMA Artist Center. #GMAGALA2024,” social media post ni Keith.

Samtang sa latest post ni Nadine ,  nagpakita kini sa iyang hulagway kun diin nag-inom siya og kape.

Ang maong hulagway kay dunay caption nga  “I’ll just drink my coffee and smile.”

Sa pagsuwat niining balitaa, wala pa mohatag og statement ang GMA-7 kalabot sa maong isyu.