Rabiya wala moundang sa pagpangita sa iyang amahan

CEBU, Philippines — Nagmalaumon ang beauty-queen actress nga si Rabiya Mateo nga makakita  siya sa  iyang amahan nga si Syed Mohammed Abdullah Moqueet Hashmi, human nakadawat siya og impormasyon  kalabot sa nahimutangan niini.

Matud  ni Rabiya nga pipila sa iyang mga higala ang nitabang kaniya sa pagkuha og mga impormasyon .

Pipila  ka tuig ang nilabay, gikatahong nilarga sa  Amerika ang amahan  ni Rabiya  ug wala na kini mobalik sa pamilya niini. 

Stray Kids mi-renew sa JYP Entertainment

Padayon nga huptan sa JYP Entertainment ang tanang walo ka miyembro sa K-pop group nga Stray Kids. Mi-renew sa niaging adlaw ang maong grupo sa nahisgotan nga talent agency .

Kahinumdoman nga nahulma ang Stray Kids  niadtong  2018 . Gi-release usab kagahapon ang bag-o nila nga album nga   “ATE”.

Ang Stray Kids kay gilangkoban nila ni Bang Chan, Lee Know, Changbin, Hyunjin, Han, Felix, Seungmin, ug I.N.

Fan sa BTS

Nakasuway si  Arci Muñoz nga gisaway siya sa ubang tawo  gumikan sa iyang pagka-fan  sa grupong BTS . Wala rajud siya nanumbaling  sanglit malingaw gyud siya sa maong grupo . "Ewan ko po. During that time, I was just really—they're my source of happiness. Basta as long as I'm happy," saysay pa ni Arci sa  "Fast Talk with Boy Abunda" .