Chad nakadaog

CEBU, Philippines — Si Chad Kinis sa Beks Batallion maoy grand winner sa labing una nga Philippine edition sa Last One Laughing (LOL).  Nakauban ni  Chad sa maong show kay sila si Pepe Herrera, Jerald Napoles,Victor Anastacio, Empoy Marquez, Tuesday Vargas, Rufa Mae Quinto, Kim Molina, Negi ug Jayson Gainza. Si  Vice Ganda ang host   sa maong  programa sa Prime Video.

"Mga Batang Riles"

Usa si Miguel Tanfelix  sa mga bitoon sa  upcoming GMA Prime series nga  "Mga Batang Riles."Makauban niya sa maong proyekto sila si  Raheel Bhyria, Kokoy De Santos, Bruce Roeland, ug Antonio Vinzon. Ang  "Mga Batang Riles" kay ubos sa direksyon ni Richard Arellano ug gihimo na sa niaging adlaw ang story conference niini.

Willie gisapot sa iyang mga staff

Wala kaantos si  Willie Revillame  ug nayawyawan niya "on air" ang mga staff sa bag-ong niya nga show nga  Wil To Win sa TV5.

Suma pa  sa TV host nga ang iyang pagpangasaba kay alang ra gyud sa kaayohan sa iyang show  . Giingong dunay mga  staff nga wala nagkadimao sa ilang trabaho.

Nisamot pa gyud ang iyang  kasapot  sa dihang niagi atubangan sa kamera ang floor director. Nasayod na daan si Willie nga i-bash siya tungod sa iyang gibuhat.

Koronasyon sa Summit International 2024 karong gabii

Mahitabo  na karong gabii ang gipaabot nga koronasyon sa Summit International 2024 sa usa ka resort diha sa Lapu Lapu City kun diin magbaha ang mga banggiitan nga kandidata gikan sa nagkalain-laing dapit sa kalibotan .

Aduna kapin sa 30 ka mga kandidata  ang maong indigay  nga nagikan sa mga kategoriya nga Miss,  Mrs, ug  MS.

 Atol sa press presentation sa niaging adlaw,  gipadayag sa mga kandidata ang ilang kalipay nga mahimong kabahin sa usa ka indigay nga nagsilbing instrumento sa pagpadayag sa ilang tagsa-tagsa ka mga adbokasiya,

 Sa nangaging interview , una na nga gibutyag ni  Mr. Alex Bui , President ug  Founder sa  Summit International Pageants, nga napili niya ang Pilipinas partikular na  ang Sugbo sa pagpahigayon sa maong indigay sanglit  ang mga lumolupyo niini kay nailhan  nga mahiligon kaayo  maong klase nga butang.

 Nagbaha usab  dinhi ang nindot nga mga  lugar  nga ikapasigarbo gyud sa tibouk kalibotan.

Gipasigarbo niya ang  kalidad sa  kandidata sa Summit International 2024  gumikan kay  duna kini  malumong kasingkasing pinaagi sa paghupot niini  og nagkalain -laing  programa sa komunidad.

Kanhi  beauty queen ang asawa ni Mr. Bui busa  magkasinabot  gyud sila sa paghupot sa Summit International.