Galang isinalba ang Red Warriors
MANILA, Philippines — Dalawang krusyal na three pointers ang sinalpak ni Ethan Galang upang isalba ang University of the East at ilista ang unang panalo matapos katayin ang Far Eastern University, 56-51 sa UAAP Season 87 Collegiate men’s basketball tournament na nilaro sa Araneta Coliseum kahapon.
Tatlong quarters naghabol ang Red Warriors, pero lumabas ang tikas nina Galang at Gjerard Wilson sa fourth period upang itakas ang panalo at ilista ang 1-2 record.
Sinalpak ng second-year gunner na si Galang ang unang tres may 1:16 minuto na lang sa fourth quarter at saka naglagak ulit sa huling 25 ticks at magsilbing game-winner para sa Red Warriors na lamang na ng tatlo, 54-51.
“I know I was off pretty much the whole game but in that last minute, it’s just keep shooting, keep my head up, whatever happened in the past can stay in the past, just keep shooting,” ani Galang.
Kumana si Galang ng 10 points para sa UE na may 1-2 record.
Si Rain Maga ang kumana sa puntusan para sa Red Warriors sa first half, umiskor ng anim sa kabuuang nine markers.
- Latest
