Asa ipasaka ang petition for annulment
Dear Atty. Divine,
Usa ako ka OFW ug sukad nga nagbuwag mi sa akong bana panagsa ra ko mouli sa Pilipinas. Wala mi anak, ug ang akong ex-husband anaa na sab magpuyo abroad. Nag-separate mi sa akong husband 6 years ago and since then wa na mi magkita pag-usab. Now, I want to move on, and I am planning nga ipa annul ang among marriage. Apan ang akong pangutana kun asa nako i-file ang akong petition for annulment considering nga wa na koy permanent residence sa Pilipinas? Daghang salamat.
Norma
* * *
Dear Norma,
Basi sa Section 4 sa 2023 Amended Guidelines kon A.M. No. 02-11-10-SC and A.M. 02-11-11-SC, kini naglatid sa jurisdictional requirements sa mga petitions for Declaration of Absolute Nullity of Void Marriages, Annulment of Voidable Marriage or Petitions for Legal Separation, nga diin ang maong mga petition ipasaka sa Family Court sa probinsya or city diin magpuyo ang petitioner or ang respondent for at least 6 months before filing the petition. Kun ang petitioner ug ang respondent nagpuyo sa abroad tungod sa trabaho, negosyo or education, ang petition i-file sa Family Court diin sila nagpuyo sa Pilipinas or kun diin sila last nga nagpuyo isip magtiayon. Sa imo nga kaso, isip OFW, mamahimo nimong i-file ang imong petition sa imong habitual residence sa Pilipinas or sa lugar diin mo nagpuyo kaniadto uban sa imong ex-husband. Aron pagmatuod sa imong residency, magkinahanglan ka og sworn certification of residency with house location and sketch from the barangay og sworn statement sa imong lawyer about sa imong residency and other supporting documents. Hinaut nga akong natubag ang imong pangutana. Thank you and God Bless! -- Atty. Divine
* * *
Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
