Gustong bahinon ang properties sa magtiayon human nagbuwag

Dear Atty. Divine,

Dili mominus 10 years na ming buwag sa akong bana apan wa ma-annul ang among marriage. Duna mi duha ka anak ug duna sab mi house and lot og farm lands nga among napalit during sa among marriage. Gusto unta namo nga bahinon ang among property aron mag-iyahay na unta mi sa among panginabuhi. Mamahimo ba ni namo nga bahinon pinaagi sa pagpirmahanay og kasabutan? Unsay among buhaton aron duna na mi complete separation of properties aron ang iyang property iya ra og ang akong property ako ra sab? Daghang salamat. —Arlyn

Dear Arlyn,

Kun wa moy marriage settlements nga gipirmahan before sa inyong kaminyuon nga naglatid alang sa separation of property then dili gyud mo makabuotbuot og separate sa inyong properties karon bisan kon separated in fact na mo for 10 years. Whatever properties nga inyong ma-acquire during marriage mamahimo kining conjugal property o gipanag-iya kaninyong diha. Basi  usab sa Article 134 sa atong Family Code kini nagkanayon  nga kun wa gani express declaration ang magtiayon sa ilang marriage settlements, ang separation of properties dili mamahimong ipatuman gawas lang kon dunay judicial order. Sa ato pa, kon gusto ninyong i-separate ang inyong properties kinahanglang moagi kamo sa korte pinaagi sa pag-file og Petition for Separation of Properties. Ang lain ninyong option, ibaligya ang inyong conjugal properties then inyong bahinon ang halin niini. Apan ang inyong future properties nga mapalit unya samtang wa pa ma-annul ang inyong marriage magpabiling conjugal. Thank you and God bless. Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.