DepEd ug mga ginikanan maoy agdon sa pagsaulog sa graduation
CEBU, Philippines — Bongga man o simple nga graduation wala ray problema si bise mayor Richard Francis “Choy” Aznar alang sa pampublikong tunghaan sa Talisay.
Matud pa ni Aznar nga nilabay nata sa panahon nga daghan ang gipangbawal tungod sa pandemya. Karon nga wala nay restrictions mas maayo sab gyud nga saulogon ang kalampusan sa kabataan nga di makalimtan.
Giangkon ni Aznar nga kausa sa tibuok kinabuhi ang kalampusan sa mga tinun-an busa maayo rasab kini nga saulogon nga bongga basta lang makaya sa mga ginikanan.
Hinuon magdepende lang kini sa sabot sa mga ginikanan kay naa man sab uban nga simple lang ang pagsaulog niini.
Iyang gitugyan ang desisyon ngadto sa Department of Education (DEPED) Talisay City Division.
Sa miaging katuigan, simple lang nga gihimo ang mga graduation sa pampublikong tunghaan sa Talisay. MEL BANAT NEWS
- Latest