^

Banat Showbiz

Hayley Williams, mag- concert sa Pilipinas

Sanden J. Anadia - Banat

CEBU, Philippines — Makighimamat sa iyang  Filipino fans ang bokalista sa Paramore nga si Hayley Williams pinaagi sa iyang solo concert nga “ nag-ulohan og “The Hayley Williams Show” nga ipahigayon karong Pebrero 24, 2027, sa Smart Araneta Coliseum.

Gipahibalo sa concert promoter nga Ovation Productions ang Manila leg sa maong show pinaagi sa ilang social media accounts.

Nailhan si Hayley  isip tingog sa daghang sikat nga kanta sa Paramore, lakip na ang “Decode”, “That’s What You Get “,  “Misery Business,” “The Only Exception,” “Still Into You”,  “Ain’t It Fun,” ug uban pa.

Magdala og anak sa taping

Usahay dad-on sa aktres nga si Janella Salvador ang iyang 6 anyos  nga anak nga si Jude sa iyang mga taping , ilabi na kon wala kini klase, aron mapadayon ang iyang responsibilidad isip inahan bisan paman  sa ka-busy sa iyang showbiz career. Sa pagkakaron, busy si Janella sa promosyon sa  iyang umaabot nga seryeng “The Good Doctor,” diin kauban niya si Inigo Pascual.

Cai nag-sorry

Nangayo og pasaylo ang aktres ug konsehal sa Taytay, Rizal nga si Cai Cortez human nikatap  sa social media ang video nga nagpakita kaniya nga naggamit og cellphone ug nagsayaw samtang nagmaneho nga wala pa gyud nag- seatbelt. Una na nga nag-isyu ang Land Transportation Office (LTO) og Show Cause Order batok kang Cortez ug gimando ang pagsuspenso sa iyang lisensiya sulod sa tulo ka buwan .Moatubang si Cai sa  Intelligence and Investigation Division (IID) sa LTO Central Office karong Nobiyembre 23, 2026, aron kuhaan sa iyang habig.

Miatras sa Miss Universe

Upat pa ka kandidata ang mipahibalo sa ilang pag-atras sa 75th Miss Universe tungod  sa kakulian  sa pagkuha og visa padulong sa Amerika . Ang mga kandidata mao sila si Georgina Kambongo sa Republic of the Congo, Mubanga Pamela Hatyoka sa Zambia, Amylia Deng sa South Sudan ug Wanderleia Rodrigues sa Angola.Ang maong mga kandidata naglisod sa pagkuha sa gikinahanglang mga dokumento alang sa ilang pagbiyahe tungod sa hugot nga mga restriksiyon sa visa.Ang ika-75 nga Miss Universe pageant gikatakdang ipahigayon karong  Nobyembre 24, 2026, sa San Juan, Puerto Rico, nga usa ka teritoryo sa Amerika.

Stephen speaks frontman, na-starstruck kang Pacman

Dili matago sa bokalista sa Stephen Speaks nga si Rockwell Ryan Ripperger ang iyang kalipay ug pagka-starstruck human nahimamat sa personal ang boxing icon  nga si Manny Pacquiao.

Sa iyang social media post, gipaambit ni Rockwell  ang litrato nilang duha .

Gihulagway niya ang maong panagkita isip usa ka espesyal nga higayon nga dugay na niyang gipangandoy ug usa sa mga kasinatian nga dili niya malimtan.

Suma  pa sa singer , panagsa ra siya ma-starstruck apan lahi ang iyang gibati sa dihang nakigtagbo siya sa usa sa iyang mga idolo.

Ang grupo ni Rockwell nga Stephen Speaks , maoy nagpasikat sa awit nga Passenger Seat .

SB19 , Julie Anne ,ug Gary ,mi-perform sa closing ceremony sa ASEAN Summit

Gipakita sa pipila sa dagkong ngalan sa industriya sa musika sa Pilipinas ang ilang talento atol sa closing ceremony sa 49th ASEAN Summit sa niaging gabii.

Si Julie Anne San Jose ang unang misaka sa entablado ug mibirit sa iyang bersiyon sa sikat nga kanta sa Coldplay nga “A Sky Full of Stars,” ug gisundan kini sa performance ni Mr. Pure Energy Gary Valenciano nga miawit sa “Love in Any Language.”

Mi-perform usab ang  P-pop group nga SB19 pinaagi sa ilang  hit song nga “Gento”.

Nibalik sa  entablado sila Julie Anne, Gary V. ug uban pang performers sama sa SB19 alang sa  sa grand finale pinaagi sa pag- awit og  “Together in Motion.”

Mipasundayag  usab sa cultural presentation ang UP Filipiniana Dance Group, ASEAN Band, Dancembles, Maridance ug W3.

Jackie, andam moabi-abi kang Darren

Andam mo-entertain si Jackie Gonzaga  ngadto sa iyang co-host sa  It’s Showtime nga si Darren Espanto kung pananglitan mangulitawo kini ngadto kaniya.

Nasayran nga kanunay gyud sila itupo sa mga kaubanan nila sa ilang   noontime show .

Matud pa ni Jackie, dugay na siyang walay love life, apan wala niya  gisirad-an ang iyang kaugalingon sa posibilidad nga mosulod  pag-usab sa usa ka relasyon.

Dugang pa niya nga kun dunay makiangayon nga  tawo alang sa iyang kasingkasing , dili gyud siya mosalikway niini.

Sa mga nangaging interview , una na nga gibutyag ni Darren nga single pud siya .

Gawas sa hosts sa It’s Showtime ,  gikilig usab ang ilang fans sa mga pa-cute nila nga pasiaw sa maong noontime show.

 

HAYLEY WILLIAMS

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with