Bag-ong kasinatian

CEBU, Philippines —  Gipasalig sa aktres ug beauty queen nga si Michelle Dee nga lingaw  ug lahi nga kasinatian ang mapaabot sa  pageant film nga “Red Crown.”Suma pa ni Michelle nga  lahi ra gyud ang maong proyekto  kumpara sa naandan nga pelikula .Dugang pa sa beauty queen  nga nisugot  siya nga mahimong kabahin sa maong proyekto tungod sa talagsaon nga konsepto sa GMA Pictures .Kauban niya sa maong pelikula sila Sanya Lopez, Faith Da Silva, Shuvee Etrata ug Ahtisa Manalo, lakip ang daghang beauty queens sama nila Yllana Aduana, Alethea Ambrosio, Ara Arida, Herlene Budol, Gazini Ganados ug MJ Lastimosa.

Bini ug maki sa ASAP

Gipaabot ang  dekalibreng mga pasundayag ang “ASAP XP” karong adlawa , Septiyembre 13, diin molugwa  ang global pop group nga BINI, ang singer nga si Maki, ug ASAP champions.Makig-uban sa BINI sila Maymay Entrata, Darren, BGYO ug DNA.Broadway vibes usab ang ipakita sa ASAP champions nga sila Martin Nievera, Erik Santos, Jona, Jason Dy, JM Dela Cerna, Marielle Montellano, Jed Madela, Sofronio Vasquez ug Klarisse De Guzman.

“First Light “ pasok sa Oscars

Napili ang Filipino-Australian-produced film nga “First Light” isip opisyal nga entry sa Australia alang sa Best International Feature Film category sa Oscars 2027.Bida sa pelikula ang award-winning Pinay actress nga si Ruby Ruiz, kauban sila Maricel Soriano, Rez Cortez, Soliman Cruz, Emmanuel Santos, Lui Manansala, Kara Adea ug Kidlat Tahimik.Ang “First Light” kay ubos sa direksyon  sa  Australian-Filipino director nga si James J. Robinson ug mao kini ang iyang unang full-length nga pelikula.