Majarlica, “romantiko” sa bag-ong awit

CEBU, Philippines — Puno sa mga leksyon bahin sa gugma ug pagbag-o ang bag-ong single nga “Romantiko” sa singer-songwriter ug producer nga si Majarlica, o Angelica Tagadtad.

Gikan sa iyang personal nga diary entry ang awit nga iyang gisulat ug gi-produce  mismo.

Si StarPop label head Roque “Rox” Santos maoy nagsilbing supervising producer sa kanta.

Suma  ni Majarlica, importante alang kaniya ang pagkamatinud-anon sa iyang gibati isip usa ka musikero.

“I write and perform songs close to my heart, celebrating the magic in everyday life. I find it empowering to be confidently vulnerable. Being Majarlica, to me, means embodying Filipina warriorness, reclaiming my voice through stories that are brave, imperfect, and deeply human,”suma pa sa singer .

Usa siya sa mga singer sa StarPop, ug nailhan usab isip  songwriter, filmmaker ug media artist. Nakahimo na siya og mga kanta alang sa ubang artists sama nila Belle Mariano, Kai Montinola ug Michelle Dee.

Natawo sa Quezon City ug karon nakabase sa Canada, nakalugwa  usab siya isip opening act sa mga show sa OPM bands nga Parokya ni Edgar, Ben&Ben ug Itchyworms didto sa Canada.

Nagsugod ang iyang musical journey niadtong 2023 pinaagi sa mga awit nga “Siguro” ug “Patawarin Mo Ako.” .Gi-release  usab niya ang “Kalikasan,” usa ka advocacy song nga iyang gihimo isip Miss Philippines Earth Quezon City 2021.

Niadtong Abril, gilusad  niya ang “Royalty,” ang iyang unang single ubos sa StarPop.

Gawas sa musika, misulod usab si Majarlica sa filmmaking ug acting ug nahimong bida  sa short film nga “We Shall Not Sleep (Ligaw, Digmaan).”

Ang “Romantiko” kay madungog sa  nagkalain-laing  streaming platforms.

Wala makugang

Wala  na makugang ang komedyanteng  aktres nga si AiAi delas Alas sa  pagminyo pag-usab og laing babaye sa iyang ex-husband nga si Gerald Sibayan, nga anaa karon sa Amerika .

Sa episode sa Fast Talk With Boy Abunda sa niaging adlaw ,  gipadayag ni Ai Ai nga dili na kini ikatingala alang kaniya tungod kay dugay na siya nga nasayod  nga  mahitabo kini.

“Alam naman natin na mangyayari ‘yan. Expected ko ‘yan nung hiniwalayan niya ako,” matud sa aktres.

Nagkanayon si AiAi, gikinahanglan ni  Gerald nga magminyo sa Amerika aron magpabilin  kini  sa maong lugar.