Pagtabang, gipatigbabaw ni Kim

CEBU, Philippines — Gipahimug-atan  sa aktres ug television host nga si Kim Chiu ang kamahinungdanon sa pagpadayon sa pagtinabangay sa mga Pinoy alang sa mga nanginahangan  , ilabi na  alang sa mga komunidad nga naapektuhan sa kalamidad. Aktibo usab si Kim sa pagsuporta sa ABS-CBN Lingkod Kapamilya Foundation inubanan sa iyang endorsement partners .

Joj nanganak na

Hingpit na nga usa ka  inahan ang kanhi Pinoy Big Brother housemate nga si Joj Agpangan human niya gihimugso ang unang anak nila sa iyang bana nga si Danny Fries . Lalaki ang unang liwat sa magtiayon ug ginganlan nila kini og John Evan Fries.

Mag-date gihapon

Alang sa komedyanteng aktor nga si  Jerald Napoles, importante gihapon sa usa ka magtiayon ang paggahin og panahon sa pag-date . Suma pa ni Jerald nga mag-date gihapon sila sa iyang asawa nga si Kim Molina bisan paman sa ilang ka-busy.

Jang Dong Yoon ug Kim Seung Yoong magpakasal

Gipahibalo sa South Korean actor nga si Jang Dong Yoon nga magpakasal sila ni  Kim Seung Yoong karong Oktubre.

Target sa duha ang usa ka intimate ceremony nga tambongan lang sa ilang pamilya og soud nga mga higala.

Nailhan si  Jang Dong Yoon sa iyang mga papel sa “School 2017,” “The Tale of Nokdu,” ug “Like Flowers in Sand.”

Si Kim Seung Yoong usab kay kabahin sa  “The Tale of Nokdu,” diin nakatrabaho niya si Dong Yoon. Nilugwa usab siya  sa pelikulang  “The Yeast,” kun  diin nagsilbing direktor si  Dong Yoon.