Joshua, Donbelle, BINI ug uban pa  sa “Star Magical Christmas 2024”

Gipaabot ang hugyaw nga kagabhion sa umaabot nga  “Star Magical Christmas 2024” alang sa subling panagtapok sa  Kapamilya stars  karong Nobiyembre 24 .

Makita  sa fans  pinaagi sa Star Magic YouTube channel(6 PM) ang pagrampa sa ilang mga giidolong artista  sa  white carpet ug  magsul-ob og  cute Christmas outfits.

Mohatag og  good vibes ang magka- love teams nga sila si  Donny Pangilinan ug Belle Mariano, Francine Diaz ug  Seth Fedelin, Loisa Andalio ug  Ronnie Alonte, ug Kaori Oinuma ug Jeremiah Lisbo.  Duna puy partispasyon sila si  Joshua Garcia, Gerald Anderson, Jake Cuenca, “PBB Gen 11” housemates, OPM groups nga BINI ug BGYO, ug uban pa.

Mohatag pud og timbaya ang  Star Magic ngadto sa ilang  artists pinaagi sa  special ug  loyalty awards . Gipaabot pud kun kinsa ang mapili na  “Star Magic Artist of the Year 2024” kun diin mahimong musuporta ang fans alang sa  BINI, MaThon (Maris Racal ug  Anthony Jennings), cast sa  “Zoomers,” ug “PBB Gen 11” Big 4 (Fyang, Rain, Kolette, ug  Kai), ug alang usab nila ni  Melai Cantiveros-Francisco ug  Maymay Entrata. Sugdan karon ang botasyon sa  KTX.ph hangtod sa Nobyembre 24 ug ang matigom niini kay idonar sa  Sagip Kapamilya -ABS-CBN Foundation.