TNT giunhan ang Ginebra sa PBA Finals

CEBU, Philippines — Ang TNT Tropang Giga midominar sa Barangay Ginebra Kings, 104-88, sa pasiunang duwa sa ilang best-of-seven PBA Season 49 Governors' Cup finals niadtong Dominggo, Oktubre 27, didto sa Ynares Center sa Antipolo City.

Wala na molingi pa ang Tropang Giga sukad sila mi-arangkada ngadto sa sayong 19-5 nga labaw.

Igo lamang nakasikit ang Ginebra ngadto sa sayes puntos, 37-43, gumikan kay sila si Jayson Castro ug Rey Nambatac parehong mitagak og 12 puntos sa ikatulo ug katapusang kuwarter aron tabangan ang TNT ngadto sa 16 puntos nga demolisyon sa Ginebra.

Si Rondae Hollis-Jefferson mitali og 19 puntos, 10 ka rebounds, upat ka assists ug tulo ka blocks alang sa TNT.

Si Nambatac mihimo og impresyon sa iyang debut sa finals uban ang 18 puntos ug 10 ka rebounds samtang si JP Erram midugang og 15 puntos ug si Castro miamot og 14 puntos alang sa Tropang Giga.

Nangu sa pilderong Ginebra mao si Justin Brownlee uban ang 23 puntos, unom ka rebounds ug tul ka assists.

Ang Game 2 gikatakda karong Miyerkules, Oktubre 30, didto sa Smart Araneta Coliseum sa Quezon City. (BANAT NEWS)