Isyu sa batasan gitubag

CEBU, Philippines — Hugtanong gihimakak ni Ivana Alawi ang isyu nga matud pa duna siya’y “attitude  problem” hinungdan nga gipatay ang iyang karakter isip Bubbles sa FPJ’s Batang Quiapo. Suma pa sa aktres nga siya mismo ang nihangyo  sa production nga mopahuway na sa maong serye gumikan kay duna pa siya’y nakalinya nga mga proyekto. Matud pa ni Ivana nga tulo ka buwan ra gyud unta ang dagan sa iyang role sa Batang Quiapo   apan niabot kini og  dul-an sa usa ka tuig gumikan kay ni-click ang tandem nila ni Coco Martin.

Vice mibilib kang Jackie

Nahimout ang  "It's Showtime" host nga si Vice Ganda ngadto  sa kauban niya nga host nga si  Jackie Gonzaga   tungod sa  mga gipaambit niini nga  “words of wisdom”  sa  ilang programa. Sa segment nga "EXpecially For You", kanunay nga modalit og mga bulawanong pulong si Jackie alang sa mga ex-couple. "I'm so proud of you,"  mensahe pa ni  Vice ngadto kang Jackie.

BINI nagsidlak-sidlak

Dili na gyud mabangbang ang popularidad  sa  nation's girl group  nga BINI  ug nakabaton na kini og kapin sa 2 million followers sa Instagram ug kapin  2 million subscribers sa YouTube. Ni-click usab ang ilang latest single nga  “Cherry on Top” ."#BINI: Sticky, sticky, sweet, frosty as it can be as we cherish the week with a double celebration!",’ social media post sa maong grupo.

Duha ka GMA independent contractors gireklamo ni Sandro

Nadawat na sa GMA Network ang pormal nga reklamo   sa Sparkle artist nga si Sandro Muhlach batok sa  GMA independent contractors nga sila si Jojo Nones aug Richard Cruz.

"Recognizing the seriousness of the alleged incident, GMA Network had already initiated its own investigation even before receiving the formal complaint," tipik sa statement sa network .

Isip pagtahod sa hangyo ni Sandro alang sa pagka-confidential niini , ang imbestigador kay nagdumili sa paghatag  sa   mga detalye sa pormal nga imbestigasyon.

Nipasalig ang network sa publiko ug sa tanang stakeholders sa ilang  imbestigasyon nga adunay pinakataas nga sukdanan sa kaangayan ug walay pagpihig.

Si Sandro kay anak sa aktor nga si Niño Mulach.

Sa niaging adlaw , una na nga nikatap ang mga blind item nga dunay usa ka aktor nga giingong gitamas-tamasan sa duha ka tawo.

Gerald mipadangat og tribute alang sa rescuers ug volunteers

Gipabuhagay  ni  Gerald Anderson ang iyang dakong pasalamat sa  rescuers ug  volunteers nga nirisgo gyud sa ilang kinabuhi  aron maluwas o matabangan  ang mga  naapektohan sa Bagyong  Carina.

Nag-post og video  si Gerald sa Instagram nga nagpakita sa mga bayanihong buhat sa  volunteers ug rescuers. 

"Filipinos will continue to rise, no matter the obstacles we face.  Prayers to all victims of Typhoon Carina.  To all the volunteers & rescuers, Maraming Salamat ,” caption ni Gerald sa maong video. Kahinumdoman nga usa  si Gerald sa mga ni-rescue  sa mga naapektohan sa dakong baha ug nahibaw-an kini sa kadaghanan gumikan sa gi-post nga video sa usa sa iyang mga natabangan. 

Gabbi ug  Hollywood actor nag-uban

Ang Hollywood actor  nga si Scott Adkins maoy kauban  sa Kapuso actress nga si    Gabbi Garcia sa    international project niini.

Sa social media post   sa Sparkle GMA Artist Center,  makita nga nagkaabot na sa set sila si Gabbi ug  Scott.

Naghina-hinam  na ang fans ni Gabbi alang sa opisyal nga anunsyo kalabot sa maong proyekto.

Season 2  sa "Squid Game"  karong Disyembre

Gianunsyo sa Netflix  nga     magsugod karong Disyembre 26 ang  season 2  sa  South Korean survival drama series  nga "Squid Game".

Base sa pasiuna  nga teaser,  makita ang mga bitoon niini sa  athletics venue.

"It's been three years. Do you want to play again?" pangutana pa sa  Front Man   nga gidala ni Lee Byung-hun.

Sa  statement sa direktor ug writer    sa  "Squid Game" nga si  Hwang Dong-hyuk , nagkanayon  nga ang maong series kay matapos usab pinaagi sa ikatulong  season  karong 2025.

"We'll do our best to make sure we bring you yet another thrill ride. I hope you're excited for what's to come," matud pa ni  Dong-hyuk.