Sofia, natakot sa ‘spliced’
Inamin ni Sofia Pablo na nag-dalawang isip siyang sumali noong una sa Pinoy Big Brother: Celebrity Collab Edition 2.0.
Sa kuwento ni Sofia sa podcast na Your Honor, madalas pa siyang magalit sa kanyang ka-love team na si Allen Ansay dahil kinukulit siya nitong sumali sa reality show.
“’Pag sinasabihan niya kong ‘Mag-yes ka na sa PBB, nagagalit talaga ako na, ‘Hindi mo ko naiintindihan!’ Natatakot ako kasi siyempre, hindi naman lahat ng mga nangyayari sa loob naeere,” sabi ni Sofia na tinanggihan na noong una ang alok na sumali sa PBB.
Nangangamba rin daw siya na baka magkaroon ng video clips na i-edit ng fans na maaaring mabago ang tunay na konteksto ng kanyang mga kilos o sinabi.
“Pangit pakinggan pero bad edits, tapos ma-upload sa TikTok, tapos masira lang ako lalo. Spliced. Lagi na akong naano sa ganyan, na fake issues. Tapos ilalapit ko ‘yung sarili ko sa show na makikita ako 24/7, tapos ‘di ko alam ano kakalabasan.”
Samantala, sinabi naman ni Allen Ansay na gusto niyang makita ng publiko ang tunay na pagkatao ni Sofia na isang masayahin, masipag sa gawaing-bahay, at mahusay magluto, bukod sa iba pang magagandang katangian nito.
Na-evict si Sofia mula sa Pinoy Big Brother: Celebrity Collab Editionnoong Enero kasama si Eliza Borromeo.
Tumagal din si Sofia ng 99 araw sa loob ng bahay ni Kuya at walang naging negative na feedback dahil nakita ang pagiging team player niya bukod sa masarap itong magluto para sa housemates.
Tyra Banks, idinemanda ang Netflix
Nag-file ang former supermodel and TV host na si Tyra Banks ng lawsuit laban sa Netflix dahil sa controversial docu-series na Reality Check: Inside America’s Next Top Model.
Pinalabas daw na masamang tao si Tyra dahil hindi nilabas ang buong interview sa kanya.
Ayon sa report ng People: “Banks viewed the series as defamatory after she sat for an interview for more than three hours, with just 16 minutes used in the final edit.”
Ito ang laman ng kanyang lawsuit: “Tyra Banks participated in the Netflix documentary series ‘America’s Next Top Model (‘ANTM’)’ because she believed viewers deserved a candid conversation about the show’s legacy — its successes and its shortcomings. There are aspects of the show for which Ms. Banks takes accountability and she wanted ‘ANTM’ viewers to hear that from her directly. Banks asserts that the 16 minutes of her words was stripped of context and reassembled in a false and defamatory way.”
- Latest
