Wala mosuporta sa anak
![Wala mosuporta sa anak](https://media.philstar.com/photos/2023/06/14/4_2023-06-14_22-15-14.jpg)
CEBU, Philippines — Gisaysay ni Pokwang ang nag-unang rason kun nganong naglagot siya sa kanhi niya partner nga si Lee O'Brian. Suma pa sa komedyanteng aktres nga wala nihatag si Lee og suporta sa ilang anak."Nagagalit ako kasi hindi niya ako tinutulungan doon sa bata. Aminin niyo naman ang mahal-mahal na ng bilihin ngayon. Eh gusto ko mabigyan ng magandang edukasyon 'yung bata. Hindi pwedeng ako lang ito. Karapatan ng bata 'yon eh. Karapatan ng bata na makakuha siya ng kung ano ang para sa kanya. Ano ito, ginawa mo lang 'yung bata tapos wala na, ganoon-ganoon lang 'yon?" saysay pa ni Pokwang sa vlog ni Ogie Diaz.
Shaila engaged na
Engaged na ang beauty queen nga si Shaila Rebortera ngadto sa iyang non-showbiz boyfriend nga si Luigi Agtoto . Nahitabo ang wedding proposal sa usa sa mga sikat nga destination sa Tokyo, ang Shibuya Sky. "I found the one my heart loves,” Instagram post ni Shaira.
Maluya sa taping
Taod-taod na nga wala modawat og acting projects si Jessa Zaragoza . Suma pa sa singer nga dili na makaya sa iyang lawas ang taas nga oras sa taping . Ang pagkanta ug pag-atiman sa iyang pamilya maoy iyang prayoridad karong panahona.
Echo gibasted ni Kathryn?
Niulbo ang hungihong nga gibasted matud pa ni Kathryn Bernardo ang laing Kapamilya star nga si Jericho Rosales . Gikatahong seryoso si Echo sa pagpangulitawo kang Kathryn apan wala gyud kini nataypi sa naulahi ug soud ra gyud nga higala ang tan-aw niya niini.
Kahinumdoman nga na-link ang duha human nagkabuwag sila si Kathryn ug Daniel Padilla sa niaging tuig. Dunay pu’y laing chika nga niulbo nga dunay non-showbiz guy ang nidiskarte karon sa aktres.
Da Pers Family magsugod karong Hulyo 21
Ang upcoming sitcom sa TV5 nga Da Pers Family maoy unang acting project sa telebisyon nga pagabidahan sa magsoon nga Atasha ug Andres Muhlach, ang kaluhang anak nila ni Aga Muhlach ug Charlene Gonzalez.
Talagsaon ra nga higayon nga makauban ni Atasha sa usa ka proyekto ang iyang igsoun ug mga ginikanan.
Unang nasuwayan ni Atasha ang TV project sa dihang nahimo siya nga co-host sa noontime show nga Eat Bulaga! niadtong 2023.
Ang Da Pers Family sa TV5 kay makita matag Domingo sugod karong Hulyo 21, 2024.
McCoy ug Mon mag-uban sa pelikula
Malipayong gipahibalo ni McCoy De Leon ngadto sa iyang fans nga duna siya’y upcoming project kauban ang beteranong aktor nga si Mon Confiado .
Gipaambit usab niya sa Instagram ang iyang hulagway kun diin nakigtagbo sila ni Armed Forces of the Philippines chief of staff Gen. Romeo Brawner Jr. Aduna kini caption nga "Soon."
Kasamtangang naglawig ang pangalan ni McCoy gumikan sa iyang karakter isip David sa Kapamilya series nga "FPJ's Batang Quiapo."
Katrina ug Philip mobalik sa "Black Rider"
Mobalik ang mga karakter nila ni Katrina Halili ug Philip Salvador alang sa naghinapos na nga Kapuso series nga "Black Rider" .
"Yes, I'm back, 'di ba? Romana is back. Nakakatuwa na kasali ako sa huling laban ng 'Black Rider' at tutulong ako kay Elias. Happy, sobrang happy. Na-miss ko sila,” saysay pa ni Katrina ngadto sa news program nga 24 Oras.
Samtang malipayon usab si Philip sa pagbalik niya sa maong teleserye.
"Ako, happy ako talaga. I am grateful na nagkasama tayo being your mentor sa 'Protégé.' Isipin mo 14 years old ito nung kinuha ko at sabi ko sa kaniya, 'Magiging action star ka. Alam kong gagaling ka,'" ni Philip pa .
Iñigo misimpatiya kang Maris
Nipadangat ang singer-actor nga si Iñigo Pascual sa iyang simpatiya ngadto sa iyang ex-girlfriend nga si Maris Racal kinsa nikumpirmar sa ilang breakup ni Rico Blanco sa niaging semana.
Suma pa ni Iñigo nga naabot kaniya ang maong taho ug nasayod siya nga dili lalim ang giagian sa iyang ex-girlfriend karong panahona.
Gipasigarbo usab niya si Maris gumikan kay gipili gyud sa aktres ang kaugalingon niini.
Nagkanayon si Iñigo nga wala na sila nagkontakay ni Maris apan updated siya sa dagan sa career niini.
Nagkabuwag sila si Iñigo ug Maris niadtong Disyembre 2018.
James dili intresado nga makabaton og ka-love team
Segurado na si James Reid sa iyang hukom nga mobalik sa pag-arte human sa pipila ka tuig nga pagpahuway niini.
Kahinumdomnan nga human nabungkag ang love team nila ni Nadine Lustre, nag-focus si James sa pagkanta ingon man usab ang paghupot sa iyang talent management company nga Careless.
Nagkanayon si James nga gimingaw na siya nga moarte ug kun siya ang pabut-on, mas pilion niya nga wala siya’y ka-love team niining higayona.
Favorite Asian Act SB19 nakadaog sa Nickelodeon Kids' Choice Awards 2024
Padayon nga nagsidlak-sidlak sa international music scene ang Pinoy boy group nga SB19 ug mao kini ang nakakuha sa pasidungog nga Favorite Asian Act sa Nickelodeon Kids' Choice Awards 2024.
Nakatigi sa SB19 sa maong kategoriya ang K-pop boy group nga ENHYPEN, Malaysian singer nga si Iman Troye, Japanese girl group NiziU, ug Indonesian vocalist Tiara Andini.
Ang maong grupo kay gilangkoban nila ni Pablo, Stell, Josh, Justin, ug Felip .
"Thank you, A'TIN and @Nickelodeon! Winning Favorite Asian Act at the Nickelodeon Kids' Choice Awards is a dream come true for us and for our country, The Philippines. Your support and recognition mean everything," social media post sa SB19.
Suma pa sa miyembro niini nga si Justin nga dakong garbo alang kanila nga ilang gi-representar ang Pilipinas sa maong kalihokan.
Ang laing miyembro niini nga si Felip kay mapasalamaton usab sa tanang nisuporta sa ilang grupo.
Palabihon ang utok, dili ang kasingkasing
Giangkon ni Kylie Padilla nga duna siya’y kasamtangan nga ka-relasyon ug malipayon siya gumikan kay gidawat gyud ang iyang tibouk nga pagkatawo.
Usa sa nakat-onan sa iyang uyab mao nga kinahanglan nga higugmaon gyud ang kaugalingon ug dili mahadlok nga ipatigbabaw ang utok kaysa sa kasingkasing.
“Meron din akong lesson dito, sa relationship ko ngayon, and it taught me to just trust myself more talaga and not to be scared to be myself.But mind muna. You can teach the heart and I think time na para utak muna,” saysay pa ni Kylie sa guesting niini sa Fast Talk With Boy Abunda.
- Latest