Super Radyo DZBB, Barangay LS 97.1, nag-number 1
Maganda ang pasok ng 2023 para sa flagship AM at FM radio stations ng GMA Network na Super Radyo DZBB 594 at Barangay LS 97.1 Forever! Base kasi sa January 2023 Nielsen Radio Audience Measurement data, nanguna pareho ang DZBB at Barangay LS.
Nakapagtala ang DZBB ng 31.4 percent total audience share. Ang morning block pa rin ang highest-rating daypart ng DZBB kung saan marami ang nakikinig mula 6:00 hanggang sa 9:00 a.m. segment. Kasama sa mga programang pinupusuan ng listeners ang Melo Del Prado sa Super Radyo, Super Balita sa Umaga Nationwide (weekdays), at Dobol Weng sa Dobol B (Sabado).
Mapapakinggan din sa Super Radyo DZBB ang hit multiplatform talk show na Fast Talk with Boy Abunda, weekdays mula 5:10 to 5:30 p.m.
Sa FM, patuloy ang pamamayagpag ng Barangay LS 97.1 Forever! nitong Enero. Nakapagtala ito ng 43.0 percent total audience share.
Number 1 FM radio program pa rin ang Barangay Love Stories sa Mega Manila nitong Enero.
Kinilala rin ang Super Radyo DZBB 594 na AM Radio Station of the Year sa 2023 Platinum Stallion National Media Awards, kung saan napili si Mike Enriquez na AM Broadcast Journalist of the Year. Sa 5th Gawad Lasallianeta Awards, inuwing muli ni Papa Dudut ang Most Outstanding Male FM DJ.
- Latest
