Trabaho sa Converge wala pa mahuman
CEBU, Philippines — Ang star guard sa Converge nga si Alec Stockton naglantaw sa mas dako pa nga gubat sa unahan sa dihang ang FiberXers magnabigar sa PBA semifinals sa labing unang higayon,
Usa ka malisud nga hagit ang nag-atang sa FiberXers kay ang ilang sangkaon mao man ang No.1 seed nga NLEX Road Warriors sa best-of-five series.
Ang Game 1 gikatakda sa Disyembre 4 didto sa Ninoy Aquino Stadium sa kaulohan.
Nakatikang man tuod sila sa Final Four sa unang higayon sa kasaysayan sa ilang prangkisa apan ang FiberXers klaro kaayo nga wala pa makuntento sa ilang nakab-ot.
“The job ain’t finished, and we’ll keep on going,” matud ni Stockton.
“I can’t imagine we’re here right now, but there’s still so much work to be done to be able to get into the next level,” dugang sa 28-anyos nga guwardiya.
Ang pagkasud nila sa semis mas espesyal alang ni Stockton.
Kini tungod kay si Stockon moduwa sa Final Four sa unang higayon isip usa sa duha na lang ka nahibilin na mga players nga gikuha sa Converge human napalit niini ang prangkisa sa Alaska Milk Corporation niadtong 2022.
Ang Fil-Am guard wala makasabot sa iyang gibati sa dihang gitagak sa FiberXers ang Rain or Shine Elasto Painters sa quarterfinals.
“We’ve been here since Alaska. I haven’t touch the semis my whole career in the PBA. This is my first time ever. So just super grateful and happy,” paambit pa ni Stockon,
Gawas ni Stockton, ang big man nga si Justin Arana mao na lang ang nagpabilin sa orihinal nga Converge team mi-debut sa PBA upat ka tuig na ang milabay.
“Me and Justin, we’ve been here for the longest, and pretty much the rest of the staff,” padayon pa ni Stockton. “Just super proud of the guys, my teammates, sa coaching staff and sa management. We’ve been through so much to get to where we are right now. We deserved this. We literally worked hard, blood, sweat, and tears to get to where we are right now.”
- Latest















