“Yes My Love”, milusad sa ilang debut album

CEBU, Philippines — Gipalanog na sa  nagkalainlaing digital streaming platforms ang mga unod sa “Mahal Kita Kasi…”  ang debut album sa P-pop boy group nga Yes My Love, nga naglangkob sa mga awit nga  nagpakita sa kalipay ug kahinam sa paghigugma.

Ang maong  grupo kay gilangkoban nila  Niko, Joshua, Jeff, Brian ug RZ.

Nalakip sa  maong album ang “Wag Kang Lalayo,” “Mahal Kita Kasi,” “Hibang,” “Bawal,” “Simpleng Tao,” “Don Romantiko,” “Kasama Kang Tumanda” ug “Dial.”  Nagsilbing  album producer niini ang  Kapamilya singer nga si Jeremy G.

P13.15 billion nga  fantasy bra

Hugyaw ang pagrampa ni  Kylie Jenner sa 2026 Victoria’s Secret Fashion Show sa niaging adlaw  sanglit siya ang nagsul-ob sa iconic Fantasy Bra nga nagkantidad og $50 million  o kapin sa P3.15 billion.Kini ang unang higayon nga nirampa  ang reality star sa maong fashion show .Ang iyang gisul-ob nga diamond-studded top mao ang iconic nga Fantasy Bra, nga wala gipakita sa runway sukad pa niadtong 2018.

Child actor gidunggab

Nanawagan og hustisya  ang Sparkle actor nga si Matthew Johann sa nahitabo sa iyang  manghod nga child actor nga si Angelo Teves, nga gidunggap sa barkada ra pud niini sa niaging adlaw didto Payatas, Quezon City.Gikatahong nakabaton si Angelo og walo ka samad dinunggaban . Kasamtangang  naka-confine si Angelo sa Intensive Care Unit (ICU).

Ruffa mipalag sa fake news

Mipalag si  Ruffa Gutierrez sa niulbo nga fake news nga matud pa dunay dautang nahitabo sa   iyang inahan nga si Annabelle Rama .Nadismaya si Ruffa sa nga tawong  nagpakaylap og sayop nga impormasyon aron makakuha og views ug engagement.  "To all content creators, I sincerely hope we can use our platforms to spread truth, kindness, and positivity rather than misinformation and hate.Spreading false stories and damaging someone’s reputation for the sake of views and engagement is never right,” suma pa ni Ruffa.